هلا مرحبا بك يا بن نامش على الكيف=وسلم الرجـال اللـي يشـوق نباهـا
الايابن نامش قربـة حـزة الصيـف=ولاللحجـازي حيلـةٍ فـي لضـاهـا

يدوم البقا ياللي يرحب وهو ضيف=الاجواد نعرفهـا ونعـرف قراهـا
تعرف ابن نامش مايهاب المواقيف=وكلمتك هذي قلنا ويـش وراهـا

اعرف السلوم ولانيب خفع وضعيف=وارحب واقدم حيـل للـي يباهـا
يقولون بن فرناس ضمن الملاقيف=وحول بروحه كنـه اللـي رماهـا

عسى ماانت من قوم الحكي والسواليف=قليـل فعايلهـا ومـا اكثـر حكاهـا
طلال اسمعه لكـن للحيـن ماشيـف=ومن لا فعـل فعـل النشامـى رزاهـا

لياشفت برقٍ فالمزون المراديـف=اسل ربك يجازيك ممـا عطاهـا
عسى الله يرفق بالقلوب المراهيف=تبا الحظ يرقب غير ماابعد مداها

بروق السما تاهب عليكم عواصيـف=ولن كنت ضميـان بيرويـك ماهـا
ياطيب الرجال اللي بدو في المشاريف=ولا العالم اللـي منحـدر مستواهـا

تبا العلم واضح في جيوب المظاريف=تسود اليسود ولاتسـود اشبهاهـا
بني شهر تهقى فيك لاكـن ياحيـف=نفـوسٍ كفانـا الله ممـا بـلاهـا

مادام الاسد عايش مايحتاج تعريف=جميع السباع الله مخيـب رجاهـا
وانا اقول ياشهران ماينقل السيف=يكون الذي صان الدير واحتماهـا

الاياصقـورٍ ماتحـب التناتـيـف=معشاتس من بعد الزيود وسباهـا
ياصبر الولد مع طول شد المحاريف=تقول ان روحه جات ساعة قضاها