هلا يامرحبا في مرحبا من خاطر مرتاح والقفول العمي اكسرها واخربها واسويها

تراني شاعر بيتي يسابق فتلت المسبـاح لاشك الفرق عند اللي يعقلهـا ويثنيهـا

الاوبك البقاء ياللي ترحب غير ماشي مراح اخاف الهقوه اللي في ضميرك لا تخاطيها

زعيم اللعب لايسري ولا يقعد ولا ينـزاح ولا يخطـي علينـا والخطايـا ماندانيهـا

ترى حر الطيور يطير لما وكد الملـواح دخيلك دار نفسك واحذر الشيطان يغريها

تراني مثل ضلماء الليل لاتسري بلا قداح ظلام الخرمسيه مايدل اللي مشى فيهـا

غدير النقيع يابومطلـق مايغـرق السبـاح وانا مارافق الشيطان والفرصه لراعيهـا

وانا مجدور ومعنقز وعندي للحروب كفاح ولا ماقلت كلمـه بمنـع اولهـا وتاليهـا

علامك ياصبي نجران ملعبنا طرب ومزاح ولا توزمني اهز العصـا مانتـه بقاويهـا

بوديك الطبيب اللي يرد العايبين صحـاح تصح اصحيح ولا حفرة المرحوم تاتيهـا

تواردنا على الماء شرهة الجاذب على الميـاح ولو تعرف سلـوم المحكمـه قدرهـا قاظيهـا

وانا من ذات نفسي صاحب اشاعه وانا الجراح رد الزايـره وسبابهـا فـي جـوف راعيهـا