يالله يا قابل صلاة المصلين = يا منزل القرآن حكم وشريعه
وأنزلت به طه والإسراء وياسين = وحرّمت من بين العباد القطيعه
تغفر خطايانا فحنا مقلين = ونفوسنا لإبليس عجلة مطيعه
وتحمى وطنا من شرور المعادين = أهل الفساد مخالفين الطبيعه
اللي نواياهم نوايا شاطين = وأفكارهم منحلة إلاّ وضيعه
أبناء وطن لكن ما هم بصاحين = ما كن في ذممهم عهود وبيعه
هل منهج خارج عن والعُرْفْ والدين = ضاقت عليهم الأرض لو هي وسيعه
ولو إنّهم بالعِرّْف والعقل زاكين = ما هرولوا خلف العقول الصديعه
يارب تحمى أجيالنا من هل الشين = وتعيننا في بذل ما نستطيعه
وتعز قايدنا زعيم السلاطين = اللي لا قال القول كل يطيعه
زعيم الأمة مثبت بالبراهين = له نظرةٍ دايم دوامٍ رفيعه
بومتعب اللي راجحٍ بالموازين = الروح والغالي من أجله نبيعه
نهض بشعبه في جميع الميادين = وأرها العطا حتى وصلنا الطليعه
عطاه عم الحاضرة والبداوين = والكل عيَّن خير حتى الرضيعه
ملك يحبه شعب والشعب غالين = عنده وهو ريف الضعيف وربيعه
يالله عسى أيامه تجي سنين وسنين = ونموت ما مرت عليه الفجيعه
وختامها صلوا صلاة المحبين = على رسوله للعباد وشفيعه