طيّـــــاحه

يا فاطري تستاهلين الشماشيل
لا قام حصّاد التمور يحصدها
وتستاهلين الهوبله و المواويل
و تستاهل اللي بالطياح يعمدها
احبها حب الهبال المهابيل
و أتبع رضاها و اجتهد في سعدها
وضحى كما رخم النصوب المحاميل
من قو باردها يثوّر رعدها
كنها تسمع في السما وحي جبريل
و لا تحسّد المنغبط من حسدها
تمنع ولدها من قروم الرجاجيل
من كبرياها ما يرغّى ولدها
و لاّ يحب رزامها تالي الليل
توميبه الدنيا على طول يدها