الله على شفتك يا شارب التوت
بلوى وتوتك زادها في حلاها
تكفى تلثم لا توريني الموت
عيني وانا خابر مرضها ودواها
الجو بارد بس هاك البس الكوت
.خله يــزود فوق نفسك دفاها
والدنيا رحله وانت للرحله القوت
يــاحظ منهــو رحلته قد بداها
خدك ولو شافوه عشاق بيروت
غنوا معك فيروز صبح ومساها
والذكريات الاوله فوق تابوت
هي ذاهبه والناس تمشي وراها
حلو الحياه اسلوب ثم ناول وشوت
لا تكون مثل اللي كحلها وعماها
تعال لك عندي عمارات وبيوت
تعـال لك دنيــا يحيطــك رضاها
تعال شفني من خفاياي مكبوت
ابا اشبــك التيــار ينور سماها
هذي نصيحتي ياسامع الصوت
اعرف معانـيهــا وحلل صداها
اليا غمست التوت في مصدرالتوت
لٱ وَاللــہَ ﺂلٱ رحت فِيـّﮱ منتهاها