يسعد صباحك يا حلو وين ما كنت = ويسعد مساكم كلكم يا حبايب
بلّغ تحياتي لمن جاك لاهنت = أجناب ولاّ أصحاب ولاّ قرايب

يا الله ياللي بك توكلت وآمنت = يا مسهل المطلوب جزل الوهايب
تدلنا للخير والخير منك أنت = يالواحد المعبود مجري الهبايب
ويا بوبدر أبدعت في القاف وأحسنت = أبدعت والمعنى لذيذٍ وطايب
عزّ الله إنك في القصيدة تمكنت= ورسالتك وصلت صغيرٍ وشايب
وأصحابنا واللي على الدرب عيّنت = أجناب ولاّ أقراب ولاّ نسايب
بلغتها وللكل يا خوك بيّنت = أن الشعر ما جاء بليا سبايب
وختمت بسم الله وبأحكامه أيقنت = يقين صادق ما يشوبه شوايب
إنّي لشعر دعيج صدقت وأذعنت = إذعان من حده زمان النوايب
بديت شطر البيت الأول على إنت = والشطر الآخر جيت بالقاف آيب
فلا هنت يا بوبدر والله ولا شنت = وسلمت يمينك يا عطيب الضرايب