والدي يا الله عساني فدوتن له = من شرور الوقت وسهوم المنايا

يا الله بغيث على بيشة وعلّه = يا كريم الجاه يا جزل العطايا
وكل موسم خير يا تيها بحلّه = والسحاب يهل في كل النحايا
لين يكسيها الزهر شيحه وفلّه = والدبش يشبع غنمها والمطايا
بعدها يا مرحباً باللي محلّه = في فوادي ساكنٍ بين الحنايا
سيف هندٍ ضد من عادا نسلّه = فرخ حرٍّ جامعٍ كل السجايا
يا الله إنِّكْ تحفظه وإنِّكْ تدلّه = للصواب وجَنِّبِهْ درب الخطايا