أسألك يا الله يا الله يا محيي الهشيم = كل راعي سو عن مملكتنا تقلعه
والضعيف من المخاليق والرجل الغشيم = لا نفع نفسه ولا كب غيره ينفعه
وكم زعيم إيتزعم وهو ما هو زعيم = وكم كريمٍ إيتواضع وربي يرفعه
والكرم والجود تلقاه في دار الكريم = الذي يفرح وفعل الكرامة مطمعه
والشجيع اللي تلاقيه في الشدة عظيم = ما يسالك من هو الخصم ولاّ وش معه
والحكيم اللي يسمى مع العالم حكيم = وأن هرج في شي كلٍ سكت له يسمعه
شيخ عرف وشيخ منصب ورجال فهيم = مثل ثابت ثابت الطيب إلاّ منبعه
وافي المدّات مثل المطر همال ديم = مزبن الجاني من الضيق يزبن في سعه
العديم اللي على الأرض في وصفه عديم = ما يحسب المال يوم إن غيره يجمعه
والشيوخ ليا أستشاروه رايه في الصميم = الدفق شيخٍ تواضع وخالقه رفعه
وكل خَلْقْ الله هذا رفيق وذا نديم = وذا صديقٍ زايرٍ له وذاك يودعه
يالله إن تجزاه جنتك يالحي الحليم = الدفق شيخً وداره عسير ومربعه
وعد من صلى بمكة ومن زار الحطيم = نذكر المبعوث فينا وهديه نتبعه