بإسمك اللهم أقدم حجتي وأنشرها = في حكيمٍ بالجمايل راجح ميزانه
أشهد إن فعل الجمايل ما حدٍ يقدرها = كون من ربي على فعل الجمايل عانه
والبشر ما هم سوى أصغر بشر وأكبرها = فيه رجم وبه جبل والراسية ضلعانه
وفيه ناس للعلوم الكايدة نذخرها = وفيه ناس دوب دوبه في عشى ورعانه
وفيه ناس لا سمعك أركى عليك وأرها = وحمّلك كلش تقول الشان ما هو شانه
وفيه ناس لأجل ناسٍ ربّك مصخرها = وفيه ناسٍ كل ما قابلتها زعلانه
وكم تعد وكم تخلّي لكن إن أشهرها = ناس في شب الفتن بين البشر طمعانه
ما تخاف الله ولِّي شلة ما أقشرها = ما تكب الناس بلْ في أعراضها بلشانه
يالله إنْكْ تفكنا من شرّها وإقهرها = وفكنا في إبليس وإقهر شلته وأعوانه
ودلنا يارب لأفضل ملةٍ وأطهرها = ملة محمد ودستور الحكم قرآنه