يالله يا سمع من طاعك ويا شوفه
ياكاشف الهم يا جلاي الاوجاعي


تعين من كان حب الصدق في جوفه
طبيعة ثابته من بين الاطباعي


سلام يامن عرفته قبل ماشوفه
ذكره مع الطيبين يبان ويشاعي


عبيد الدعرمي ياكبر معروفه
ورجاي في مثله وشرواه ماضاعي


ريف الخوي والرفيق ومكرم ضيوفه
وفي كل دربٍ يجمل لحيته ساعي


ومواقفك يا طويل العمر معروفه
ماهيب في المخطيه في درب الاسناعي


يا مزبن اللي حداه الوقت وصدوفه
واللي بنار الزمان الشين ملتاعي


ومن يوم جاك ابن هندي يشرح ظروفه
ماقلت ما اقدر ولا تسمح لي اوضاعي


تبين شمسك وشمس اللاش مكسوفه
اللي ليامن نخيته جظ وارتاعي


يامن ملك قلبي وفكري بمعروفه
والمدح في عبيد المنعور مطواعي


جميع مايملكه جادت به كفوفه
ويبين فعله ليا منه دعى داعي


يشيل حمل الرفيق ويتعب كتوفه
يوم ان بعض العرب ماهوب نفاعي


وصلاة ربي عليم الصدر وشفوفه
على محمد عدد ماهب ذعذاعي