الديرة امن السد الى الشداخه=والوادي اللي هيبته من ربّه
ديرة مناعير وكرم وشياخه=مادام هي حلة رجال منبّه
عليه نذر ان تتعب الوراخه=سيلٍ غزيرٍ عزي لمن طبّه
ربعي مطر ليلٍ شديد صماخه=الرعد يرعد والسماء منصبّه
عدوهم يلقى ردع وكفاخه=والضيف يلقى حايلٍ منكبّه
انعلم الوالي بلبس الجاخه=حتى يجيه من الذواري هبّه
اللي قراء عنا تجيه دواخه=من فعلنا المشهود يلقى شبّه
من طمع فينا ماله الا ارضاخه=ومن نبّ فينا مانخيب نبّه