ماجاتني الدنيا على كيـف مابـي=قامت تحداني وانـا أحدهـا حـد
أحدهـا حـد لغليـظ الركـابـي=وجتبي وانا ماكان ينباح لـي سـد
حتى بركت لهـا وشفـت العذابـي=وأجظ من المنكر ومن نابها الحـد
وان جيت باشرح مشكلي والصوابي=يشمت علينا خايب الخـال والجـد
مافيه من جور الزمـان اغترابـي=والوقت به يشقى ابـن ادم ويسعـد
كم واحد يلبس من جـداد الثيابـي=وهو لوأنه من ورى الريـع ماسـد
ينصب بروحـه يحسبنـه الذيابـي=وذياب بـن غانـم شجـاع موكـد
لـه قصـة معروفـة بالكتـابـي=مـع الزناتـي يـوم صـدر وورد
يلناس ياللـي تطـردون السرابـي=المـال مايفخـر بـه الا المعـقـد
المال مثل المـوج والا السحابـي=يموج مـن ديـره لديـره وينفـد
ترى الفخر من فاز يوم الحسابـي=يوم جميع اعضاك تنطـق وتشهـد
ياللي جمعت من الذهب والربابـي=لا خيـر فـي ماتجمعـه ماتحمـد
مالك رصيد ومالنا فـي المخابـي=وعند الخوي والظيف والجار ينعـد