السلام ورحمة الله وبركاته = عد ما هل المطر وأنشى مخيله
وعد ما يكسي الصحاري من نباته = وعد ما شفنا زهوره عقب سيله
للكفو واللي حمى دينه وذاته = وكل عُشّاق المراجل والجميله
وكل من فعل الجمايل من صفاته = وكل من يحيي عوايدنا الأصيله
ولا حسب شمّات وهروج الشماته = وغير قول الله عنده مستحيله
مثل من يسمع ومن حن في حماته = آلاد إبن سرار نعم إبها قبيله
عودهم وصّى وهم حفظوا وصاته = الوفاء عادة ومدتهم جزيله
والكرم والجود هم أهله هواته = والطليعة طبعهم بأية وسيله
والحليسي يوم عبر بكلماته = سامحوه أن جاء خطأ ولاّ هزيله
وعد من صلى ومن يحفظ صلاته = ع النبي صلوا بصبح وكل ليله