من عافنا عفناه

جيتك على وضح النقاء طاوي البيد
بسم النوايا الطيبه والسفيره
اقدم لها في كل منهج على السيد
والحين اشوف إن كل حاجه مثيره
على بلاء هش الكبود المهاجيد
تمضي معك في سلمها والمغيره
حتى لون طيبك بروس الشواهيد
من عافنا عفناه من دون خيره
في سلمنا يهل القلوب المقاريد
نثبت على درب النقاء بالمسيره
ماهو على كل الدروب المزاهيد
اصد عن بعض الوجيه البشيره
اللي ليا صارت على كل تحديد
واحد من العشره يساوي عشيره
العام واصحابي كما محزم الجيد
واليوم خالي محزمي إمن الذخيره
كله لجل دنيا العنا كيدها كيد
ماعاد خلت لي وزان الشعيره
والله يخارج من نواياه تمجيد
وانقاء من طيور الحرم في نفيره