يا الله في زين المثايل والأقوال= وهرجٍ جميلٍ للنشاما نعدّه
يفرح به اللي للنواميس فعّال = بحر يسر العين جزره ومدّه
وأنا أشهد إن به في الرجاجيل رجال = وليا زهمته في لزومٍ يسدّه
مثل إبن مسفر طيّب الصيت والفال = من طيب أبوه وطيب خاله وجدّه
أبو طلال اللي عسى أيامه طوال = ومن رزق رزّاق الهوايش يمدّه
اللي ضرب في فعله الطيب الأمثال = حرٍ ينومس من قنص به وهدّه
كفوٍ كما غيث على الأرض همال = وللكايده ما شفت مثله وقدّهه
وكم دعوةٍ في الغيب للكفو تنقال = يا الله تزيده خير والشر صدّه
ويارب حقق ما تمنى من آمال = لبو طلال وضد من هو يضدّه
تعبير عن مافي ضميري من إجلال = للصاحب المخلص بحب ومودّه
وختامها صلوا على خير مرسال = المصطفى المختار ما فيه ندّه