الله من عين لها دمع همال = من هيبة الرحمن جلّ جلاله
الواحد المعبود عللام الأحوال = عالم دبيب النمل مبدي هلاله
إللي لنا عنده مطاليب وآمآل = ولا نرجي إلا هو وحيد لحاله
ويا معتبر حياتنا كلّها أمثال = وكل يبي يشقى على ما بداله
الخير لأهل الخير ألوان وأشكال = والشر يا كثره ليا جاء مجاله
والمسلم العاقل ليا شاف جهّال = يبعد عن دروب الجهل والجهاله
ويسلك طريق الحق لو مسلكه طال = أخير من مسلك طريق الضلاله
ورحمتك للمحتاج في يوم الأهوال = يا رب يا رحمان راعي العدالة
وختامها صلوا على خير مرسال = المصطفى المبعوث بآخر رساله