من أررروع قصائد الشاعر / ناصر بن عايض بن هندي المنبهي الشهراني
هذي قصيدة للشاعر ناصر بن عايض بن هندي المنبهي الشهراني يقول :
رفيقك اللي رفقته ما تنومسك .... إبعد ضعونك لا تلايم ضعونه
ترى الردي مثل النجس لا ينجسك .... لا كان تضحك لك مفالج سنونه
ترى الردي يردي مقامك و يحبسك .... ودرب الوفا لو تنهجه حال دونه
مثل الفحم لمسه يوصخ ملابسك .... يقدح بلون الثوب لا تلبسونه
إختر من خيار العرب من يونسك .... شهما عن الهفوات عرضه يصونه
المستقيم أزكى من الكاد و المسك .... وليا أبترم وجه الدهر تاجدونه
لا شاف حماس القهاوي بيحمسك .... يحط ماله دون مالك معونه
لا شاف وقتك باطش بك ويفرسك .... يزعل على شانك و تسهر عيونه
قلت العباره لجل أفيدك و أحمسك .... والحر مايرضى لنفسه مهونه
وسلامتكم ....
آخر تعديل المنبهي الدندون يوم
09-04-12 في 12:12 AM.
|