الموقع الرسمي لقبائل بني منبه شهران العريضه - عرض مشاركة واحدة - `·.¸¸.·¯`··._.· ( المجلس) ·._.··`¯·.¸¸.·`

31-01-12, 01:12 PM

مساء الخير ياجمهور الامتاع والابـداع ++ مساء الخير يالتفكير والمنطق الواعـي
حضوري هنا ماهو بالانصاف والارباع ++ هنا عارفٍ معنـى دخولـي ومطلاعـي
رجاءاً عطوني بالكم و اصغوا الاسماع ++ وانا ابعزف اوتار القصيده على ايقاعي
اذا ان الشعر معناه مايعالج الاوضـاع ++ ابي ارتاح واحبس كلمتي داخل اضلاعي
لنا كم عام صدورنـا تنقـل الاوجـاع ++ غدينا رعايـا سايبـه مالهـا راعـي
شعوب غرايزها تلاهث ورى الاشبـاع ++ و هي في يد العدوان تشرا و تنباعـي
تناحر عقايد وانقسام وشحن وصـراع ++ مقابر وفاق و كلنـا المجـرم الناعـي
رضينا على انفسنا نعيش الحياة اتبـاع ++ ورى عالـمٍ لإضعافنـا دايـمٍ ساعـي
مادام الكبار من العرب تتعـب الفـرَاع ++ على شان عرش السلطنه علمهم شاعي
تحطم كبير الاسم والمجد فعـلاً ضـاع ++ على شان حاجه تافهـه مالهـا داعـي
خسرنا المهابه قبل مانـدرك الاطمـاع ++ وهدمنا صروح المجد وعيوننا تراعـي
لذلك عسى الايام تقفـي بـلا مرجـاع ++ زمانٍ بقى به ضحكنا زيف وصناعـي
طغى الياس حتى عندنا حطـم الابـداع ++ تحطم طموح المبدع المخلص الواعـي