سلام يا بوحاتم الشهراني = يا منيس بن فايز سَعَدْ ضيفانه
لا جيت له يضحك وهو فرحاني = في مجلس مفتوحة بيبانه
للضيف والعاني وللجيراني = وراعي اللزوم شمام مقضي شانه
ولا همه المادح ولا الزعلاني = ولا ضاق من حسَّاده وعدوانه
وأن جا مجال الشعر في الميداني = يطربك لا غنّى بزين الحانه
في ذمتي ذمة بدون أيماني = إنه كفو مع صحبه وشيبانه
ولو نمدحه ما تكفي القيفاني = والشعر يعجز وتعجز قيفانه
وختامها صلوا على العدناني = المُرسل بهَدْيِهْ وخير أديانه