~~ فـاعـــل خـيـــر ~~
أنا ويـن ابلقـا يالاجاويـد فاعـل خيـر
حريصٍ علـى سـر المحبيـن لرسلتـه
امن اول لو اصبر عام ما بان بي تأثيـر
وهالحين حتى صبر يوميـن مـا احتلتـه
انـا مثـل صقـارٍ تولّـع بحـب الطيـر
ولف قلبـه افـروخ الصواريـم وهبلتـه
تولعت فـي فـرخٍ قضيـبٍ يتـل السيـر
ابي لمحةٍ مـن نظـرة الحـر وإسبلتـه
صغيرن ب سنه غير عندي ماهوب اصغير
يا مغلاه فـي قلبـي ويـا كبـر منزلتـه
اجمع سمان الهرج خوفٍ مـن التقصيـر
والى جيت ابشرح لـه كلامـي تهيزلتـه
يجيني منه هيبة محبه.. سحى.. تقديـر
اقابلـه عنـدي علـم واروح مـا قلتـه