جميع اللوايح


راع الوفاء والطيب لهل الوفا سمح
مع كل راسن فالمواقيف فايح

اقدر اللي خاطره فالزمن مرح
واقدر اللي يقبلون النصايح

معا هل البطرات والقل والشح
ارضى على وجهن دروبه فلايح

وانا على وقت التهاليل والسبح
انسى الاسامي في جميع اللوايح

معاد اعرف هل مذمه ولا مدح
مادام كل اللي على الكون رايح

اعرف ازيد الجرح واعلاج الجرح
واعرف اعدل كل عوجا سمايح

لو كل فعلن فالزمن ينبنا صرح
قمنا نشيد إصروحنا والفلايح

احدن يقول السالفه ضمنها صح
واحدن على زود السواليف سايح

مانقبل القسمه ولانقبل الطرح
ولاضلمنا كاسبين المدايح

خل العقل لاصار مرشد ومنصح
رشده من الله مايزيحه مزايح . . .