قصيده مهداه من الشاعر محمد بن ناصر بن هندي للشيخ ورجل الاعمال محمد بن عبدالرحمن

قصيده مهداه للشيخ ورجل الاعمال
محمد بن عبدالرحمن آل عامر( ابو الوليد)


بسم الله اللي ما على بابه قفول
للخلق بيبان العطاء ماقفلها
الملك لك والكون بالعرض والطول
الامر منك وطاعتك نمتثلها
فيك الرجاء واللي يجي منك مقبول
النفس في عفوك كبيراً أملها
يارب عبداً جاك وذنوبه حمول
يعّرف نفسه ما يكفي عملها
نفس بدونك لا بصيره ولا حول
وتجاوزك وأعفاك يجلاء وجلها
أخير ما نبدابه القاف والقول
من مستهل علومنا لا هللها
البارحه كني عن الليل مسئول
طرى لعيني طاري وإشتغلها
حلو الكرى ما مرها البارحه طول
الين صليت الفجر ما كحلها
الليل كله عن صدى الصوت معزول
آخاف لا اسمع حس الاصوات ولها
سجيت مع الافكار في راس غرمول
أطلق سراح الهجس من معتقلها
بنات فكر تذهل العقل وتهول
إطوع أصعبها وأصعب سهلها
حرايراً زلبات ويدينها شول
أعرف أدير أكتافها وأعقلها
وآسم عليها وسم ماهوب مجهول
مغازل تمن بواقي هملها
يابن العريدي تنذكر بأول الدول
أخترتك ترد الجمايل لهلها
انا ادري أن عندك لوازم ومشغول
لكن مال الحمله الا جملها
للي يقولون أبن هندي وش يقول
عني تقدم بالنيابه وقلها
من هيض باله ما تقوّل بمقيول
الجزل له عشاق وآذان ولها
لا قلتها في مجمع الناس والضول
يشعى مسامعها ويطرد مللها
.
سلام والتقدير والشكر موصول
يهداء على اللي كل قمه وصلها
تسليمة مني على حسب الاصول
مني وأنا أعرف وش عليها وش لها
سلام ياشيخ على الطيب مجبول
شيخ معاريفه ما حياً جهلها
مقام شيخ له تواريخ وفعول
أبو وليد اليا تلوت فتلها
شيخ لا ثقل الحمل ماقال وجهول
اليا تمزهل للثقيله نقلها
زحل تسلسل بين ذربين وزحول
من روس قوم ينتدرى زعلها
على كثر ماله معى ربعه قبول
الزوم نفسه والكبر ما دخلها
والطيب منه وموقف الخير مامول
كم من فعول طيبات فعلها
فالخير راس المال والجهد مبذول
واليا تدخل ف القضايا فصلها
على فعوله غيري شهوده عدول
مانيب لاقلت البيوت أختلها
ودي أجيه ودونه ظروفي تحول
اذا أنتهت شغله ظهر لي بدلها
وأبيه يسمح لي عسى عمره يطول
ريف النفوس اليابسه من محلها
وصلاة ربي عد ماهل هملول
على نبي سنة الله كفلها


محمد بن ناصر بن هندي