مجاراه للشاعر مبارك الشهراني

قصيده للشاعر/ مبارك الشهراني

مجالس الطــــــيب للشعار مشتاقه=والله مــــــا الـــومهــــا للطـــيب تشتاق
وين انت ياللي تقـــدم للـــوفــاء باقه=بســـــلوبــــك اللــي يحبـــه كـــل ذواق
الكفـــو لاغــاب عنـــا نبـــكي فراقه=لـه مـــنزل مــــــاينـــوشـــه كـــل بواق
ياوجد عينـي علــى شـــــوفه وحقاقه=بعــــدك عــن اللي تحبه يحــرق احراق
وياوجد حالـــــي بعد ماغاب رماقه=صـــداقـــتـــه وافــــيه مــاهــــي تملاق
وين انت ياللي على شاني تعب ساقه=ياللــي كــفوفــك تشـــيل الـــدمـع لاراق
عينـي علــى شـوفتك يافـــلان تواقه=النفــس تشـــتـــاق لــــك والقلــب خفاق
النفـــــس للطـــيب تــــــواقه وعشاقه=ويقــــال عــن عاشـــق الناموس عشاق
والنــاس لــــو تختــلف الاذواق ذواقه=كـــــم وافـــي لجـــل عينه نتعب الساق
بعض العـــرب هرجـته يجي لها فاقه=ماهـــو بمـــــن هـــرجته كــذب ولفاق
عــزي لمــن ســـلسبيله مــــات ماذاقه =خذاه مـــن لـــــذتــه قصـــاف الاعناق
وعزي لمن صار شوف اصحابه شفاقه=يصــبر علــــى بعدهم والقلــــب تواق
يافلان غـــيرك ترا مــن الناس ماشاقه=يافـــلان بعـــــدك تــــرا ماعاد ينطاق
لك صــاحـــب رايتــه علـــــيا وخفاقه=حــــراب وان جاء العفو يسمح وعتاق
الكفـــو فــي الاولــــه مايتبــع الساقه=تلقــــاه للمـــرجـــــله والطـــيب سباق
لادن رعــــد الخـــريف ولاح براقه=له عـــزوة تشــرح الخفـــــاق لاضاق
بعض العــرب لالفا تذبــح له الناقه=وبعض العرب ضيفته عصفور وقواق
كـــم واحـــد غايـــب مانحس بفراقه=في ســــــكرة الموت لايصحى ولا فاق
الله خلق الانفـــس وحدد لها الطاقه=مثـــل الجنيهات فــــي صنــدوق وراق
ثنتين في العمــــر تذبحنــي وخناقه=مقابـــل الطـــيب بالنــــــكران من عاق
وهرجةِ في القفى مــــن واحد عاقه=ويســـاعـــده جـــاهـــل ماهـــو بصداق
من يزرع البر يسهر لجــل دقاقه=اخــــاف بعــد العطــش تحــت الاوراق
عــزي لمــن سلسبيله مـــات ماذاقه=خــذاه مـــن لـــــذتــه قصـــاف الاعناق

مجارات الشاعر / مشعل الشهراني
للابيات السابقه

مجالس الطيب والنوماس سبّاقه= تلمّ شمل العرب بعد التفرّاق
الكفو لاما حضر ما يسدل ارواقه= يروق له مجلسٍ بالطيب روّاق
ويكوسر القاف ويغنّي بمطراقه=بطروق شعرٍ تروق لكل طرّاق
وتجيك كل العلوم جزال منساقه=ماهي رديّه ولا غيبات واخناق
واللاش يابو علي لو يلوي اشداقه=لاتلتفت له ولو ينعق لك انعاق
لسانه تقول كنه السان طقّاقه=يمدحك قدمك ولامن غبت سلاّق
والاّ كما اللي يلاحي لك مع الطاقه=لالدّ فيه النظر ينخشّ ماواق
نصيحةٍ لك مادام ان لي بك علاقه=اصفح وجامل وعلّقها تعلاّق
خلّك كما العود لامازيد باحراقه=يفوح طيبه وجلٍّ يغلب دقاق
أحيان ثوبي علَيّْ يكود بنّاقه=واحيان ثوبي علَيّْ يتبنّق ابناق
والساق لات**حه في درب منتاقه=خلّه على دربه وللكلّ منتاق
واللي يذمّ البشر غرّه تملاّقه=بدّه يجي بابه من الناس طقّاق

صح لسانك اخوي مشعل ولسان بو خالد

بيض الله وجهك

تقبل تحياتي وتقديري

صح لسانك اخوي مشعل
قصيده جميله
بيض الله وجهك
تحياتي واحترامي

صح لسانك
وبيض الله وجهك
على القصيدة الرائعة
... تحياتي ...

صح لسانك يابو جمعان
وبيض الله وجهك
ولاتحرمنا من جديدك
دمت بود