جوي تعكر

جوي تعكر


جوي تعكر والخفا صار حساس
والجرح ولع في خفوقي لواهيب

لازاد ضيق البال همن وهوجاس
قامت على روحي تزيد المطاليب

ياللي غرامك فالخفا ماله اقياس
جرحك عذابن غير كل العواذيب

انت الوحيد اللي اشوفك من الناس
بعدك مرض ماحصلو له اطبايب

والوضع مزري والفكر في تلعماس
والحال من قسوتك يصلاء ابمشاهيب

والعين من زود السهر لحقها إنعاس
مدري متى ابتنحل كل المواجيب

والقلب من عد الهنا يردع الياس
مادام باقي في وصالك مشاريب

مهما نعيش الوقت عزن ونوماس
زولك يرافقني شروق ومغاريب

لاباس ف اللي قد حصل منك لاباس
يامن عليك القلب زاد المطاليب . .

عثمان مبارك خويتم

انت الوحيد اللي اشوفك مع الناس
يفدونك الواشين واهل العذاريب
والقلب من عد الهنا يردع الياس
مادام باقي في وصالك مشاريب
صح لسانك والله يعطيك العافيه

صح الله لسانك

ويعطيك العافيه