حلفت ماخلي المنقود يغشاني - الموقع الرسمي لقبائل بني منبه شهران العريضه

#1 22-06-12, 05:52 PM

قصيدة للشاعر / ناصر بن هندي رحمه الله

سر ياقلم وانتبـه للشعـر وابياتـها=كتب من الشعر دراته وصوغاتـه

صوغات الأشعار معناهـا يكفيها=اجميع مااقوله اكتب لـي عباراتـه

لاتشتكي من غلاق البحـر جينابـه=دامت هواجيس قلبي ياقلـم جاتـه

مِدّه لها كل ماشافت طـرف غيمـه=يعرف لحزاتهـا وتـروق حزاتـه

ماتجتمع بالضمير إلاّ على طـاري=تـوه يعبالهـا تفـتـر مكـراتـه

افتح لها موجة فؤادي وأنا أجيهـا=واللي يجيب الغلط بخصم علاماتـه

ماطاوع الطيف في موجه وبركانـه=طيف الهواجيس مامشيت غلطاتـه

أوقفه وامنعـه واصفـي حسابـه=وهو كذلك معـي صفـى حساباتـه

من شان ماتطلع الكلمـات منقـودة=الناس تنقد على الشاعر وكلماتـه

وإن قيل الأبيات بن هندي مسويها=نقشت حجر والحجر تزهاه نقشاتـه

نقش الحجر يحتفظ به دامت الدنيـا=والصخر موجود والنقشه بصفحاته

لاصار جلمود صخر من جبل عالي=ماتنقصه كلمت الهامـز ونظراتـه

وأنا زماني معلمنـي علـى الشـده=أربع وعشرين ساعة تحت صدماته

مافيه مخلوق مـره مثـل ماجانـي=عضه زمانه وبخلـو بـه قراباتـه

بعض الرفاقة يمر السجـن ويزلـه=وبعض الرفاقة نفعني من زياراتـه

السجـن نامـوس لازلّـه ولاذلـه=والعرض وافي وتقضالي طلاباتـه

حلفت ماخلـي المنقـود يغشانـي=وإن أكرم الضيف لو يغلا ثمن شاته

من وصلني في محلي باكرم اسباله=والفقر مايحـرم الرجـال عاداتـه

والرزق مضمون عند الرب سبحانه=لو كان عند البشر قصوا علاقاتـه

هذا وأنا من هجوس القلب في حيرة=ترقد عيون الملاء والليـل ماباتـه

ياسامع القول سامحني على الباقـي=وطيف الهواجيس مامشيت غلطاته