أهل المجلس المعمور ... ظافر بن وهيب

بسم الله الرحمن الرحيم

الحمد لله رب العالمين والصلاة والسلام على أشرف الأنبياء والمرسلين سيدنا ونبينا

محمد وعلى آله وصحابته أفضل الصلاة وأتم التسليم أما بعد :

إخواني الأعزاء إداريين ومشرفين وأعضاء هذا الصرح الشامخ وفقكم الله

هذه القصيدة مهداة للإبن الغالي الدكتور / علي بن محمد بن عبدالله آل سويدان

المنبهي الشهراني بمناسبة تخرجه من كلية الطب وزواجه وفقه الله ورعاه

بتاريخ 26/4/1432هـ

وهي بعنوان :

أهل المجلس المعمور

ألا يالله ياللي نلتجيلك في رخا ودهور = تروف بنا وترحمنا ليا جاء يوم الأهوالي
وتجعلنا من اللي يسعدون بجنتك والحور = وبعيدٍ عن لظى نارك وما فيها من الصّالي
سلامٍ من محبٍ مخلصٍ مثل الدرر منثور = يسوقونه بني واهب لكم الأول مع التالي
سلام الله سلام الله على أهل المجلس المعمور = بني منبه عموماً كلهم رجال رجالي
وسلام الله لشيخ الشمل شيخ بالفعل مشهور = تسمى بيشة إبن عمير بإسمه عبر الأجيالي
وسلام الله سلام للحريزي مع شعاع النور= سلامٍ من سنا نوره جميع الناس تهتالي
وسلامٍ للحضور ومن لفا للحفل والجمهور = سلامٍ وافيٍ منّا وللشّيخ إبن هيالي
وسلامٍ عدّ همالٍ سرى فوق الأراضي البور = وعدد ما في الجزيرة كلها من نبت ورمالي
حضرنا للحفل ومشاركين بفرحة الدكتور = زواجك والتخرج سرنّا يا طيّب الفالي
تعبت ونلت من بعد التعب ونقول لك مشكور = وترى اللي ما تعب عسر عليه المرقب العالي
حضرنا يا علي والكل منا مبتهج مسرور = بعد ماجاتنا الدعوة مع مرسولك الغالي
دعانا شايبك جعل الله يخليه راعي الشور = وعسى شيبانه اللي عقبوه بخير منزالي
أبوعبدالله اللي بر شيبانه وهو مبرور = كريم يدين طلق حجاك للعسرات شيالي
أبوعبدالله اللي ما ذخر من دونكم مذخور = بذل من شانكم جهده وما يملك من أموالي
وحان الآن قطف أثمار جُهْده وأستلمتوا الدور = وترى له منهج ما جاه رديان ولا أنذالي
كفانا الله وإياكم شرور أهل الفتن والجور = ورزقنا منهج الوافين من أقوال وأفعالي
هل الدين الحنيف اللي عملهم دايم مأجور = مكانتهم عليَّة والعُــلا مضرب للأمثالي
هذا ما قاله إبن وهّيبٍ صِدْقٍ بليا زور = مشاعر صادقة بأمر الكريم الحاكم الوالي
ونهايتها صلاة الله على المرسول والمأمور = على محمد رسول الله عدد ما هل همالي

وسلامة الجميع

أسأل الله الذي لا إله إلاّ هو الواحد الأحد الفرد الصّمد أن يوفقنا وإياكم وجميع إخواننا المسلمين

لما يحب ويرضى من القول والعمل وأن يختم لنا جميعاً بالقبول في هذا الشهر المبارك

إنه هو السميع المجيب

وتقبلوا خالص تحيات محبكم / ظافر بن وهيب الحليسي الشهراني