طالت الغيبه

اشتغل رادار فكري للقصيد المعتبر=وانفتح خط المعاني للمعنى واستوى

يامحمد طالت الغيبه ولا جانا خبر=والمرض طول ولاحصل طبيبه له دوى

مانفع صرف الحبوب ولانفع دق الابر=وصفة الدكتورراحت كلبوها فا لهوى

ضاقت صدور العرب لاعاد حلم ولاصبر=وانعقد حبل المواصل يامحمد والتوى

وش جرى حتى نقول فلان يجبرها جبر=لاجل يحصد من نوى نيه نتايج مانوى

ياعنا من يسبر المرقب وطاوله السبر=يحتري نورالصباح ولاظهرذيبٍ عوى

البروق تلوح في المنشا ورعاد وسبر=والرواة تجيبها كلن على رايه روى

كم هبيلن شعب الموضوع كبراوماكبر=يبهره نسج الحكاية دون فهم المحتوى

والفطين يشوف حوله يعتبر منها عبر=لاتعود حد طبخ واحدٍ على ناره شوى

يامحمد جاك هرجٍ يعتبرمايعتبر=حلله باسلوب عاقل كل قلب وماهوى