معالي الوزير مريع الشهراني

هذه القصيده تشرفت بالقائها امام معالي الوزير / مريع بن حسن الشهراني
في ضيافة : سعد بن حنش البجادي

بسم الكريم اللي خلق كلّ فاني=اللي لمرضاته نحجّ ونصومي
علاّم ما فالكاينات يخفاني=الخالق اللي بالخلايق رحومي
سلام من قلبٍ سليم ولساني=للضيف والمضيوف لامٍ عمومي
من شاعرٍ يختار عذب المعاني=يهوم للجزله وهي له تهومي
بين الدقايق تنكتب والثواني=وتداعب افكاري سواة الغيومي
من كلّ صوبٍ والعلوم تعناني=نيابةٍ عنّي وعن روس قومي
بني منبّه مكرمين العواني=ضلعٍ يذرّي يوم لفح السمومي
فهذي مبادي الهيض شرح وبياني=ياسامعين القول هذي علومي
جاني من اهل الشّان داعٍ دعاني=وانا لمطلوب النشاما خدومي
آقدّر الضيفان والشان شاني= يا اهل المذاهب والشّيم والسلومي
آقدّر الموقف وانا لي مكاني = بين النشاما غاليٍ ومحشومي
والليله اطيب ليلةٍ في زماني=تسوى من الدنيا الف ليلٍ ويومي
يوم التقينا في سهيل اليماني=الساطع اللي فارقٍ فالنجومي
سيف السيوف البارع الصيرماني=ابو حسن جعل السعد له يدومي
وزير واسنادٍ لقيف اشهراني=عدّى بطيبه نايفات الرجومي
تشهد له افعاله وقاصي وداني=وقسمه بياض الوجه بين القسومي
ياسعد من جاله من البعد عاني=يبسط له الخاطر ويقضي اللزومي
يستاهل المدحه وذبح السماني=متواضع النفس وقويّ العزومي
واهل المكارم كلّها ما تهاني=شروى الرجال الحاضرين القرومي
نطّاحت الواجب طوال اليماني=اللي لجزلات المعاني ترومي
واللي على نظم القصايد حداني=مواقفٍ تجلى العمس والهمومي

تقبلوا تحياتي
مشعل بن جمعان التوبي