|
الموقع الرسمي لقبائل بني منبه شهران العريضة |
|
www.bnymnbh.com |
« آخـــر الـــمـــشـــاركــــات »
أبن هندي الشهراني والجبيراني الاكلبي
أدوات الموضوع
انواع عرض الموضوع
على اثر موقف حصل لهم وهم مسافرين
بيض الله وجه من دلنا سمح الطريق=وقال خط جرب يجيكم طريق من وراه
خط يرجع صوب رنيه وخط للعقيق=والطريق اللي بٍوسط تباله منتهاه
ولا فني في مهجتي مثل الحريق=كيف رجال يرده عن الناموس شاه
والله لاني مصيح ولاني بالغريق=والدلاله نعتبرها تكفي عن عشاه
احمد الله يوم لي مع هل الثنيه صديق=شيخ قوم يكرم الضيف لامنه نصاه
رغم ما مره من الوقت صدره مايضيق=مثل شط النيل عذب على طول الحياه
الجبيراني سعيٌد وله ساس عميق=صحبته ماهيب يومين والثالث براه
صاحب يلقى وسده على الرفقه وثيق=لعن ابو من لامني في سعيُد لعن اباه
الجبيراني رفيقي ونعم الرفيق=طيب من طيبين العرب يعرف نباه
شوق مكحول المحاجر ومنسوق الدليق=والليالي جورها مايغير مستواه
يا سعيٌد جاك علمي مع القاق الرفبق=والخواتم مسك ياشوق ردوع الشفاه
رد الجبيراني يقول:
مرحبا ترحيبة كلها مسك ورحيق=بين شم وذوق والعود الازرق له وفاه
فيها طب للمصوب وطب للشهيق=وان قراها غير ناصر لقاء فيها دواه
يابن هندي جاني الخط والمعنى دقيق=والطرق مابين رنيه وبيشه مبتداه
انت لك فالارض منج وبالجو تحليق=ماتبي لك من يدلك ولاتبغى وصاه
الكواكب فالسماء والكهارب في شديق=واضح الدرب مافيه عج ولاعماه
انت تسبق بالمراجل وتلحق بلحيق=والبخيل ادناة حاجه تبين لك خفاه
هذا مضمون القصيده وكل له عشيق=واسمحو لي كان ماصاد مسنون القناه
يابن هندي والله اني على المعنى شفيق=واجتهادي جاك والصوم ييبغي له صلاه
</i>
ضوابط المشاركة