توجيه وارشاد

قصيده لشاعر/ناصر بن هندي(رحمه الله)..


دن القلم واكتب على الميم والدال
وانبيك من صدر هجوسه تدالا
سوت لها بالقلب مظهر ومدخاال
وجالت بمعلوق الظماير وجالا
روابع صارت على كل الاشكاال
ماتحتملها شامخات الجبالا
يالله يامدرج فلك شمس وهلال
محصي سجل الكون جل وتعالا
ويالله لاتـبقي بقـيـه للـنـذاال
ياسامع الدعوات باذا الجلالا
الانذال ماتنفع ولاتصلح ابحال
لاجاء نهاراً فيه كرب الحبالا
لو شفتها تجار معها سعة ماال
ترها على قول ابن هندي هزالا
مايكرمون الضيف لاصار هشاال
لاواحسايف عندها روس مالا
ترى العفون عفون في ريف ومحال
اعفون مايافون في كل حالا
يالله بامرك بدل الحاال بحوال
ياللي من القبله تسوق الخيالا
وانك تعين مكرمت سمر الاسبال
اللي مجالسهم عليها احتمالا
اللي مجالسهم بها بن ودلال
والنـار دايــم والعــه لـلـدلالا
والضيف لاجاهم من البعد رحاال
يلقـاء تراحيب وكيف ومجالا
ويلقاءالعشاءببيوت ماضين الافعال
اهل الشهامه مبعدين النوالا
اهل الكرم للجار والظيف ينداال
ورحمتك خير من جميع العمالا
لما حصيت لعمال من دق وجلال
مخطين معترفين مابه جدالا
يامنزل الفرقان وآيات الانفاال
ياسامع الداعي مجيب السوالا
يارب انا عبد وانا الخايف الذاال
خطيت مديت العمل بالكمالا
اخطيت بايام قصيرات وطوال
اما سهو وإلا طريقة جهالا
يامظهر ذنون من بحر الاهواال
اسالك الجنه وحسن المقالا
ياطامع الدنيا فلا بد تنزاال
دنية الجانب سريعة زوالا
مثل الهنوف اللي عشوق للزوال
في عينها تهوى جميع الرجالا
تضحك لعاشقها على غاية الباال
وقال استوت لي عشيقتي بالجمالا
ظحكت لغيره ظحكه مالها امثاال
وكبت على ووجهه سماال الثفالا
جربتها في سن جاهل وعقاال
وحصلتها قشراء تسوق الرحالا
وصلاة ربي عد ماهل هماال
وعداد ما ذعذع نسيم الشمالا
على رسول صار للرب مرساال
نور البلاد المعتني بالرسالا