قصيدة مهداة للشيخ عثمان بن فايز النجود

أنا ورثت الشعر من صلب جدان
ماطرق هزيل الشعر واقول جزلات

أكتب بحور الشعر وأنطق بالأوزان
وأكتب قصيدي اليوم مختص بالذات

لجدي إللي بالفعل معتلي الشان
كاسب فعول المرجله بالبطولات

يشهد له الحاضر وماضي وما كان
متورثاً منه الشعر والجمالات

والطيب دايم ينعرف بأسم عثمان
دايم بمداتٍ و يعرف بمدات

ساس الشجاعه مثمر عيال شجعان
ساس الوفاء لما بدت التشتات

شيخٍ وختمة ماهو بختم شيخان
شيخ وختمه من فعول ومسيرات

حاز المراجل ما جلبها بالأثمان
حاز المراجل باليدين الطويلات

وياسعدني يومي حفيدن على حصان
ساند مفاريع طوال وقصيرات

والمدح لو يسرد من سنين وأزمان
ما جمل الشعار عند القداوات

#عويد_النجود