قصيدة محمد الدعرمي والرد للشاعر سعد بن جمعان

قصيده بعنوان (بني توبه ) للشاعر محمد بن ناصر بن مريح الدعرمي

الله اكبر توكلنا علــــــى خير هادي ***** ربنا المعتلي من قبل قول(ن) وقايل
بعدها يا سلامي عد نشر الجرادي ***** يا رجال الوفاء والعز والراس طايل
عد نبت تمايل في سهل كل وادي ***** عد ما هل غيث في صدوق المخايل
يابني توبه الغالين سقــم الاعادي ***** راس مالــي رجالٍ يكسبون الجمايل
قدمكم بو بريك وشيخته في سدادي ***** في لزوم القبيله تاجده من لاوايل
ينثني دون ربعه شيـــخ كل المبادي ***** درع جنب حصين حاز كل الفضايل
يا هل ادلال كيف نـــاج فيها القنادي ***** يا عزاز كرام مــــن حـــــــرار القبايل
تذبحون السمان اكبارها والهرادي ***** غير جرد الرقاب اللي قعود(ن) وحايل
يا سيوف(ن) بواتير(ن)نهارالطرادي ***** دون غرس النخيل ودون جـل الاصايل
يا رماح يبين وقعها فــــي المعادي ***** يرسي الرجال لا مالت عليه الثقايل
يا سباع الوحوش ويا صقور الهدادي ***** في نهار من البارود يشفي الغلايل
تحتمون المواقف يوم ضرب الزنادي ***** فصـــخ ضرب البنادق يا عنا كل عايل
علمكم تاج عز(ن) يا قروم العوادي ***** كاسبين المدايــــــح يا ذياب الصمايل
علمكم نفتخر به في ربوع البلادي ***** مالكم عـــن سنام المجد حل وبدايل
النسب قرب الضفران علم(ن) وكادي ***** يا بني عمنا في صلب دم وسلايل
ساعةٍ قربت شرواك مثل العيادي ***** قالها الدعرمي بالطيب والشك زايل
يا بن جمعان طيبك في المواقف ريادي ***** بوك شيخ المراجل ما يحب الهزايل
تكسبون الفوايد بين حضــــــر وبوادي ***** والنواميس فيكم يـــا رجــال الفعايل
جعلكم سالمين وجعلكم في المرادي ***** يا بني توبه ابن امريح ساق المثايل
واقبلـــــــوها بحب(ن) يا فهود الهجادي ***** جعلها في رضاكم من جزال الدلايل
والختام الصلاة علـــــى شفيع العبادي ***** عد ما خطت الاقلام عطف الرسايل
وسلامتكم


الرد من الشاعر سعد بن جمعان التوبي على قصيدة الشاعر محمد بن ناصر الدعرمي

اول القول ذكــر اللـ عليـه اعتمادي ***** ربــي اللــي عليـــه العمده والاتكايل
بعدها مـــن هجوسٍ يــا محمد جـدادي ***** مـــرحبا عـــد منشا ناوي وسال سايل
مرحبا عد مـــا هلل ونــــــادى المنادي ***** بالرســـــــاله محتوياتـــــــها والكمايل
يا رفيقٍ عزيزٍ لـــــي وأنا له إسنادي ***** لا حصل في سما الاوضاع عدلٍ ومايل
شاعـــر مــــا عليه ملاحظات انتقادي ***** وزن بيته علــــــــى معناه عبر الوسايل
من مشاهير قوم فــي المعارك تفادي ***** يــــوم زرق الرمـاح ويوم شب الفتايل
يكسبون الجميله فـي نهار الحصادي ***** بين نص المحاجـــي واشتعال الملايل
لا اعتزى الدعرمي والوضع ماهو بعادي ***** فـي وروده ومصداره يسوي الهوايل
فزعته فــــي نهار الضيق تشرح فوادي ***** بالقنــــــا والقبس ومرهفات السلايل
مقســـم وافي فــي حــر وألا برادي ***** يامن الغــرس بحماهم وشقـــر الجدايل
وانصاهــــم غريب الدار حاديه حادي ***** امنوه وعطوه مــن العطاوي الجــــــزايل
يمنون الدخيــل ونطحــون القوادي ***** فـي الرخى والقسى يوم المعاوش قلايل
لابةٍ في لقى العادي سيوف حدادي ***** مــــن حربهم يورونه نجـــــــــوم القوايل
صيتهم بالكرم والجود فوق الشدادي ***** ينعــرف بين خلـــق الله مجيبٍ وسايل
درع جنبـي وعضدي في نهار العنادي ***** مــا يطيعون دون المــــوجبات العذايل
قالهـــــا توبـــــــي جوه مروق وهادي ***** ينتقـــــــي مــن نوادير الحكم كل حايل
يــآلف الطيب ومـن الهينات احتيادي ***** فطــرةٍ من إله الخلـق منشي الهمايل
مـن رجال لهــم مجد مجيد وتمادي ***** تمـــــــــن الطارفـــــه ومعبسات الشمايل
يوم تطري الفعول بجد ألا اجتهادي ***** فـــــوق محص المهار وفق عوص الذلايل
ذا يصيد ويفوز وذاك يمكـن يصـادي ***** والقبايل عليها مـــــن بعضهـــــــــا دبايل
وأما ذا اليوم يا عين اهتني بالرقادي ***** في ذرا الله ثم اللي عســى له مهايل
[color="rgb(255, 140, 0)"]وسلامتكـــــــــــــــــــــــــــــم
[/color]

بيض الله وجهك يابو طلال على النقل الرائع

بس حلوه بني تبوبة
ههههههههههههه

وودي وتقديري

صح لسان الشاعرين محمد الدعرمي وسعد بن جمعان
ابداع وقصائد رائعه


شكر خاص للاخ ابو طلااال على الطرح الراقي
تقبل مروري

صح لسان الشاعرين محمد الدعرمي وسعد بن جمعان
ابداع وقصائد رائعه


شكر خاص للاخ ابو طلااال على الطرح الراقي
تقبل مروري

ابو محمد الطلقي
ابن طلق

شكرا على مروركم الاكثر من راااااائع

تحياتي وتقديري