جميل ونكران

ياحسايف خوّةٍ عادت حروبي= عوّدت حربٍ عليْ بأتلى زماني
من خويٍّ كنت احسب انّه ذروبي= وأثر طبعه مثل طبع العقرباني
أعتزى بي قال ربعي خيّبوبي= قلت تبشر بالسّعد والعمر فاني
والله انها ماتضيق بنا الدروبي= لو تهشّم لاجلك ضلوع المحاني
وشلت حِمله مابركت ونوّخوبي= وأحتميته مارضيت له الهواني
محتميه وتطعن الخنجر جنوبي= واقفٍ ولا آتزحزح من مكاني
غير تالي الوقت والعلم محسوبي= شدّ عضده والتفت لي ثمْ رماني
ووقفتي راحت مع ذاري الهبوبي= وانكر المعروف يالله المستعاني
يم **يته ثوب عوّد شقّ ثوبي= غرّته سود الليالي وابتلاني
وبينت الايّام لي سود القلوبي= لكن الدنيا مصايب وامتحاني
فيالله ياربّ السحايب والنّصوبي= انك لاتجزاه خير ولا حساني
ودّي آصبر لكن ان طبعي جنوبي= لاآتصبّر صار في عقلي جناني
والله ان اسقيه انا من مرّ كوبي = لين يعرف خصمه اللاّش الهداني

صح لسانك
بيض الله وجهك
والله يعطيك العافيه

صح لسانك اخوي مشعل

بيض الله وجهك

تقبل تحياتي وتقديري

صح لسانك اخوي مشعل
قصيده جميله
بيض الله وجهك
تحياتي واحترامي

صح لسانك
وبيض الله وجهك
على القصيدة الرائعة

... تحياتي ...