صوت وصدى2

ابو خالد(مبارك بن علي الشهراني)

العوض يامشعل القرم في صيد الفلا=الف رمايه وصيادها راعي نصيب
لاتوجد بعد ماراح والفرقى بلا=والصبر للرجل يالقرم والموقف صعيب

مشعل الشهراني

آه ياوقتٍ تقلّب على مرّ وحلا=وآه ياجرح بقلبي ولا حصّل طبيب
يابو خالد ماجرحني يكن قولة هلا=مادريت اني بعدها فقدت اغلى حبيب
والجوازي!! ياكثرها في قفاروخلا=والذيابه دون ضلعانها تقنب قنيب
وانا لو خشية الهي ومنقود الملا=لأستبيح محرم وما أتعيّب كلّ عيب
لأن قلبي يوم عانا وبلساني تلا=ورّد الهاجوس من حرّة الجرح العطيب
وكل ماغنيت طاروق والخاطر سلا=آتذكر كل ماصار في وقت المغيب
والهموم تزيد والقلب منبره امتلا=من كثرها كلّ يوم على المنبر خطيب!

صح لسانك والسان بوخالد
تقبل تحياتي

صح لسانك اخوي مشعل
قصيده جميله
بيض الله وجهك
تحياتي واحترامي

صح لسانك
وبيض الله وجهك
على القصيدة الرائعة
... تحياتي ...