سؤال وجواب

هذه الابيات موجهه للاخ الشاعر/ حزام محمد بن ثايب

سلام ياللي غلاه يزيد مقداره= ياشاعرٍ خوّته م**ب ونوماسي
الطيب بين العرب رمزٍ وله شاره=وانتم هل الطيب وانتم رفعة الراسي
يآل ابن ثايب لسان القيف شعّاره=الرجل منكم لثوب الطيب لبّاسي
ارجال مدحٍ وهل ناموس وصقاره=ومعادنٍ من ذهب ماهيب بنحاسي
ياحزام سبعة بيوتٍ جتك مختاره=بيتين من ضمنها من دافع احساسي
الاول فشايبك عطني وش اخباره=عساه طيّب وماجورٍ من الباسي
والثاني اللي يحيّر تاره وتاره= من هو وريث القنا والدرع والطاسي؟؟

ردود الشاعر/ حزام

يامرحبا هيل باللي وجّه الطاره=صوبي بقافٍ عجيبٍ طيّر انعاسي
من مشعل التوبي اللي عاليٍ كاره=هيّضني اغناه واشعل كلّ هوجاسي
الله سقى خوة المنعور وادياره =واما ديار الردي ياربّ يبّاسي
والشايب ابشّرك ياطالب ابشاره=صحته زينه وتبهجة ناسك وناسي
بدر العوافي عليه تشعشع انواره=باذن الله اللي يليّن قوّة القاسي
وان كان تنشد عن امرٍ توحش اسراره=اشوف بين الجيوش اخماس واسداسي
صحيح ماكلّ بابٍ يمنع الحاره=لكنّ بابٍ مع بيبان لاباسي!

وتقبلوا تحياتي

مشعل المنبهي

صح لسانك اخوي مشعل
وصح لسان حزام بن ثايب
قصائد تحمل في طياتها الكثير من المعاني والمفردات الرائعه
اتمنى لكم التوفيق
وبيض الله وجهيكم

صح لسانك ولسان حزام بيوت جزله
والله يوفقكم والى الامام

صح لسانك اخوي مشعل ولسان حزام بن ثايب

قصايد جميله

بيض الله وجهك

تقبل تحياتي وتقديري

صح لسانك ولسان حزام
بيض الله وجهك
تحياتي واحترامي

صح لسانك
وبيض الله وجهك
على القصيدة الرائعة
... تحياتي ...

صح لسانك يابو جمعان
وبيض الله وجهك
ولاتحرمنا من جديدك
دمت بود