قصه وقصيده( امجهز(ن) موتري ومجهز العده

[في يوم من الايام وانا مستلم اتصل بي ربع لي وقالوا حنا نوينا الروحه على الشمال ولازم تروح معنا وأصروا على ذلك المهم كان عندي ضروف في العمل حيث فيه مجموعه من الزملا عندهم اجازات والعمل مافيه احد يغطي وعارف ان المدير المباشر لن يسمح لي بأجازه وتهيضت بهذه الابيات وأضهرت في الابيات اني اريد اروح لصاحب لي وارسلت نسخه للمدير المباشر ونسخه للمدير العام وسبحان الله جاب الله الفرج بسبابها وقد رد المدير المباشر على القصيده والمدير العام كذلك وحبيت اشاركم هذه الابيات واقرأ ردودكم

تكفى يامسفر انا صبري وصل حده =قدني على شوفت المجمول ولهاني
اللي يبي صاحبه باالله لاترده=يالكلبي تعتبر معروف وحساني
ياشوق عيني ليا نحرتها جده =ومن بطن جده ننحرها لعماني
أمجهزن موتري ومجهز العده=ماباقي الا لجازه ونت فهماني

رد المدير المباشر
يابومحمد ترى لوضاع مشتده=وللي سواتك يقدر ظرف لخواني
غازي بتونس وبو هيثم طوى شده=غريب يبغى يزور اهله ولوطاني
كنت احسبنك من اللي يخفي السده= لكن بينتها وعلنتها اعلاني
ومن يوم شفت المجارا قلت له مده = اسبوع محسوب واليومين مجاني

رد المدير العام
حسَبتك تقول بنصى الحوثي بصعده=وعن الملاقى والاستشهاد ماداني
حدودنا في الجنوب تقاوم الرده= والكل صايح وطيس الحرب وقداني
ماغير مالوم فارس والهوى هده= وده يشوف الخشف مدعوج لعياني
تدري تركد ترى بنجهز العده= خذنا معك ياالمسافر صوب عماني

وقد رديت على المدير العام بهذه الابيات

الله يعز الوطن محدن خذا حده= اخوان نوره تخلي الصعب طوعاني
تحماه وقت الرخا وتحماه في الشده=وكلن على حاجته يتعب ولاهاني
ياالخثعمي حاجتى ماتنبغي صده= لزوم تقضى وربي مابينساني
انت تعرف حاجتي ماهي تبي نشده= ابيك تفزع معي يوم انت قوماني
هذا ما احببت ان اشارككم فيه تقبلو تحياتي
ابن شوكان

صح لسانك يالغالي ..
وبيض الله وجهك ..
وابشر بالعوض ..
لا خلا ولا عدم ..
مبببببببببدع ..
تقبل مروري المتواضع ..

• صح لسانك و بيض الله وجهك
• لاهنت تقبل مروري واحترامي

الله يعز الوطن محدن خذا حده = اخوان نوره تخلي الصعب طوعاني
تحماه وقت الرخا وتحماه في الشده=وكلن على حاجته يتعب ولاهاني
ياالخثعمي حاجتى ماتنبغي صده= لزوم تقضى وربي مابينساني
انت تعرف حاجتي ماهي تبي نشده= ابيك تفزع معي يوم انت قوماني



ما شا الله تبارك الله وصح لسانك .. ما أجمل ما كتبت وما أجمل هذه الروح الأخويه بينك وبين زملائك ,, وأكيد انك ونعم ,, وهذا ما لمسته من رد رؤسائك عليك

سبع الليل اشكرك واتمنى لك مزيدا من التوفيق والسداد .. والاكيد ان لديك مساجلات شعريه
فلا تحرمنا منها

صح لسانك ربي يعطيك العافيه
طرح ققمم الروعه
تقبل مروري
تحياتي وشكري لك
مــــــــــــع التوفيق

تكفى يامسفر انا صبري وصل حده =قدني على شوفت المجمول ولهاني
اللي يبي صاحبه باالله لاترده=يالكلبي تعتبر معروف وحساني
ياشوق عيني ليا نحرتها جده =ومن بطن جده ننحرها لعماني
أمجهزن موتري ومجهز العده=ماباقي الا لجازه ونت فهماني

ومجهز موتري ومجهز العده

لا فظ فوك يابطل

كلمات معبره عن موقف

وعزالله ان خوياك نشاما وهذا من طيب

ولا نويت ترى فيه ناس تبي تخاويك

خوتك شرف يالغالي


سلمت

وتقبل مروري


وفالك الطيب
وتقبل

صح لسانك ابيات جميله
وصح لسان زملاك
بيض الله وجهك
تقبل تحياتي

مبدع ياغالي

من جد قصة وقصائد جميلة لاهنت

وودي وتقديري

صح لسانك
وبيض الله وجهك

صح لسانك
وبيض الله وجهك
ولاتحرمنا من الجديد
دمت بود