قصيدة الشاعر\نجم القهدلي الشهراني في والده

قالها الشاعر نجم بن ظافر القهادله في والدة
الشيخ ظافر بن عايض القهدلي الشهراني
شافاه الله وعافاه وامد في عمره


طـلــبـة الله تــبـدا مــاعــلـيـهـا بـــدي ** ربنا مالــنا غيرك ولالك شــريـــــــك

ياملاذ الضـعيف وعـون مــن يرتـجــي ** ماتخيب رجــا عبدك وهو يرتجيــــك

انــت وصـيـتـني يــارب فــي والــدي ** في كتابك تقول اوصيك في والديــك

فانا بادعيك ياربـي وبــرفــع يـــدي ** تشفي أبوي حيث ان الشفا من يديـك

وانــت يابوي طول الوقت مابرت في ** ودي ان المرض جا في ماهوب فـــيـك

ليت مافيك من ضــيـم يــحــول إلـــي ** وليت مافي من صحه تحول إلــيــــك

والله مارد معروفك وفضلك عــلــــي ** مهما سويت من بر وعطفن عــلـيــــك

ودي افديك بعيوني قبل كل شــــي ** وارخص الحال واغلا مااملكه وافتديك

والله لو فيه عمر يـنشرا لأشــتــــري ** اشتري لك مثل عمرك وقوتك ذيـــــك

انت حبك رسخ في القلب ماينمحــي ** والله ماينمحي وانه لــقلبي ملـيــــــك

الله يلبسك ثوب العافيه دمت حــــي ** والله يمتعك بالشوف والله يقــــيــــــك

ادري ان ماكتب ربي لعبده يجـــــي ** غير ودي يجيني الموت قبل ان يجيــك

قصيده جزله مملوءه باالايمان وبر الوالدين الشاعر نجم نجم على اسمه اللهم اشف والد نجم

بيض الله وجهك يابوظافر على هالقصيدة الجزله ولا هيب غريبه الجزاله منك وشايبك يستاهل الطيب والله يشفيه ويطول في عمره ومهما نقول في والدينا لا نوفيهم حقهم . والف شكر لك ياخوي مخاوي الليل على الطرح المميز

لاهنت بيض الله وجهك
وصح لسان الشاعر نجم القهدلي
تحياتي واحترامي

سبع الليل
حبيب بن مهابه
صقر بني منبه
اشكركم على مروركم بمتصفحي
والله لايهينكم

صح لسانك
وبيض الله وجهك
دمت بود