بدع عايض فايز اشهري ورد مبارك علي الشهراني

صوت الشاعر:عايض فايز الشهراني

امس العصر ونيت في راس مرقاب
......خطرن تبــــكي ونتـــي مـن سمعها
وكني فتحت لحزني اربع عشر باب
... ......واجــدد اجــــروح تـــزايــد وجعها
من الزمان اللي مكشرلي الناب
.......كــــن المصـــايب تو عيني جمعها
مافادبجروح يورثهن اطباب
.......والمده اللـــي مـــن يمينـــي زمعها
ياعزتي للي منه عارضه شاب
.......وروس الصـــبر يـــوم دنقتله فلعها
واليا ذكرت اللي من خيار الاصحاب
.......وتاج علي رغم النفــوس وطمعها
بوخالد اللي يطرب النفس لاجاب
........قصايــد عــــن الدنـــــاوه رفعها
يهون مابي لوانا اليوم منصاب
.........وكـــنه مداوي للجروح ورقعها
افخر بفعله عند ربعي والاجناب
.........هاذي تقــــبلـــها وهــــاذي منعها
ماخيب الهقوات والظن ماخاب
..........صيته وصل حد الغـــيوم وشلعها
هاضت شجوني يوم ثلج الشعر ذاب
..........من هاجس داج الخبوت وقطعها
... الشاعر:عايض فايز .....

(صدى ابو خااالد)
ارحب يابو فايز على خيرماطاب
........ يالشاعر اللــي كــل جــزله بدعها
ارحب بعد مانلت حبي والاعجاب
........ ياشـــوق مــن تخفي لغــيره دلعها
يامعــرب الجـديـــن دور للاسباب
........ اللــي تـــرد المـــأيــله فــي سنعها
هذا نصيب العبد ماعـــنه مجناب
........ ضـــريبة لـو صـــد عـــنها دفعها
من غـــرته دنيـــاه ضــايع ولعاب
........ يضـــر نفســه يحســـب انه نفعها
ذنوبنـــا يابـــوك وديــان وهضاب
........ والله يغفـــر ذنـــوب عـبد جمعها
ماكتب لك يالعـــبد مادونـه حجاب
........ والنفـــس لايطغى علــينا ورعها
تر الدهـــر يابـــوك لامــال غلاب
....... يفرض علينا احكامه اللي شرعها
اما نطيع احكــامه ونمشي اسراب
....... واللا تـفـــارق روحـــنا مجتمعها
نمشي وحن الاسياد ونعوّد اغراب
....... لا روّحـــت معها ولا جات معها
الحبل خوف من لــدغ رجله الداب
........ ومـن غـر في رجله بنابه لسعها
ولاجات مـن بين الحما داخل الغاب
........ نصــبر وعـين ابليس بيده فقعها
علـــيك بالعلــيا ولا تكــثرعــتاب
........ للـي قــــريب وزلـــته ماردعها
وصله نذيره غــير غاوي ولاتاب
........ ونفسه تواصـــل بالرذيله دنعها
يمكن يحصـــل لطمــتين ومشعاب
........ من واحد شــهوات نفـسه تبعها
وختامها صلوا على سـيد الاحباب
........ محمـــد اللـــي ســنــته نتبــعها
**
.... مبارك الشهراني ....

بدع ورد في قمة الروعه
بيض الله وجيهم
ولاهنت يا ابو عبدالعزيز
اشكرك على النقل الرائع
تحياتي واحترامي

بدع ورد رائع

بيض الله وجهك

يابو عبدالعزيز
على النقل الرائع