سبحت البحور وغصتها لاجل درتها

تولعت من سن الصغر بالشعر توليع=وسبحت البحور وغصتها لاجل درتها
ودحمت الصفوف وسيفي ابرع من البرّيع= وعرفت المسنه واختها قبل فرتها
وتسيوقت في سوق الدرر واشتري وابيع=ورقيت الهضاب وماتلفت لحرتها
بديت النوايف يوم غيري ما ذبّ الريع= ولقيت الذهيبه يوم قصّيت جرتها
ولكن اشوف المعنويات والتشجيع= تنحّت لناسٍ والمنصات غرتها
تصنّع مواهب عيبها مظهر التصنيع= وتصناعها للمستحيلات ضرتها
وانا اقول لك ياهيه مابرّك التلميع= تلمّع.. ولكن يكفي العين قرّتها
تقدى بنجم الجدي وسهيل قبل تضيع!= وتقول اني اللي ردها قبل خرتها؟
ترفق بروحك قبل ما اطوعك تطويع= ترفق بروحك واحذر تعيد كرّتها
ترفق بروحك لاجل تلقى لها توديع= ترى اطيب ملذّات الخلايق مسرتها

ترفق بروحك لاجل تلقى لها توديع

ترى اطيب ملذّات الخلايق مسرتها

ياسلام عليك

صح لسانك

ننتظرجديدك

ودي وتقدير

صح لسانك يابوجمعان
قصيد رائعه
الله يعطيك العافيه
تحياتي واحترامي

سلمت


شكرا لك على القصيده الجزله

والمعاني العميقه

لك تحياتي

وفالك الطيب

صح لسانك

وبيض الله وجهك

والله يعطيك ألف عافية

-- تحياتي --