أبن هندي وابن محماس

هذه القصيده موجهه الى الشاعر/ناصر بن عايض بن هندي المنبهي الشهراني
من الشاعر/سيف بن محماس المشعبي السبيعي


يقول السبيعي:

أنا البارحه مـن هاجسـي شاطنـي تيـار

وأنا أعرف سبب تيار فكري ومضمونـه

بعد مالذعنـي لذعـةٍ حركـت الافكـار

وهاضت هجوسٍ داخـل القلـب مكنونـه

طرالي صديق له مع أهل الوفـاء مشـوار

تذكرت ناصـر جعـل الانـذال يفدونـه

أبوعايـض سعـد المسايـيـر والــزوار

صديـق عـزيـز والنشـامـى يعـزونـه

كتب له سجل مع هل الجـود لـه تذكـار

قديـم المعرفـه والعـوارف يعرفـونـه

يعز الرفيق والاصدقاء والخـوي والجـار

بوقت القسى مايقصر الراى مـن دونـه

يغوص البحـور ويجنـي اللـول والمحـار

من الغبـه اللـي يحرهـا مـا يغوصونـه

وانا بزهمه وانخاه من دون كشف اسرار

وهو يفهم المرضان لامـن شكـى كونـه

وانا ما اشتكى من ضغط ديـن ولاتجـار

ولكن شـي حسـن فكـري علـى هونـه

ولاجاء منـام الخلـق ظـم العيـون وطـار

وناصـر بخيـص فـي سهرهـا وماحونـه

وصحيح المثل لاحذار مـا تمنـع الأقـدار

وما قدر المولى علـى النـاس يرضونـه

وتقبـل تحياتـي ومـدو لهـا المنـظـار

عسى اللي جرحنـي بالقناصـه تصيدونـه

وكان الرد من أبن هندي يقول:

هلا مرحبـا ترحيبـة الـروض بالامطـار

تحية وفـاء مـن غايـة القلـب وفنونـه

تحيـة وفـاء تستقبـل الشعـر والشعـار

بعـد لذعـة التيـار والـلـي يشبـونـه

جذبني لها بيت من اللي نظـم الاشعـار

يقول المقـدر صـار والنـاس يرضونـه

وأنا خابـر ليـل الشتـاء يقنـع السمـار

بطولـة وبـرده والهتاهيـت يشنـونـه

وأنا لا بغيت العذر ماعـاد لـي معـذار

حتى أشرح الموضـوع ببيـات مازونـه

بعض العرب مثل المدرب مـع الاغـرار

مـدرب افنـون ميـر لاغـرار يوذونـه

وأنا لا سمعت الطبـل ومشجـع المزمـار

مسكت الحياد وكـل شيـخ علـى شونـه

وأنا أحب مشراف الجبل مراغب المحدار

وكل يشـوف الـدرب ويفتـح اعيونـه

يالمشعبـي ياوافـي البـاع والاشـبـار

كـاس تنثـر مــاه لاعــاد تطـرونـه

واللي رمى البندق رماها بدون الاعيـار

رماها وهي قبله علـى الطنـب مشحونـه

وبعد وقعت بالفـارس البـارز المغـوار

فزعنا وفـزع الشيـخ والخيـل بركونـه

هـذا مالقيتـه يـوم كـررت بالمنظـار

ونفسـك عـن الـزلات للعـز مصيونـه

بيض الله وجهكـ على النقل الرائع
رحمك الله شاعرنا الغالي ..
تمنياتي لكـ بالتوفيق

صح لسانك

وبيض الله وجهك

والله يعطيك ألف عافية

-- تحياتي --

قصيدة رائعه
والله يرحم الشاعر ناصر بن عايض بن هندي
واشكرك على النقل الرائع
تحياتي واحترامي

ابو عامر


لاهنت ع المرو ر

الواهبي


لاهنت ع المرور

صقر بني منبه



لاهنت ع المرور