الصبر عندي منه بنك عقاري

قصيده موجهه الى الشاعر/ناصر بن عايض بن هندي من اخيه الشاعر/سعيُد بن محمد الجبيراني...
يوما كلا له يده مانداري
ولاحسبنا موتها والمجاريح


ولانخليها تمر العجاري
واليوم ليدي بين قفل ومفاتيح


قدنا ندور في الخطيه عذاري
ونفرح ليا جاء من يسوي مصاليح


ودرئاً على روح تحب المداري
وصون عرضي من ملاقا المقابيح


وافخر بمعرفتي وحسن اقتداري
وليا بدا اللازم خذينا مشاويح


والصبر عندي منه بنك عقاري
وليا بلينا معجل الصبر ويبيح


ومن حط نفسه بين بايع وشاري
يأخذ ثمنها بالتقاسيط وشحيح


ياناصر المنعور طير الحباري
ياشبه شيهان عيونه مشابيح


أذا نهض من مرقبه مايداري
تلقاء الحباري بعد لطمه مطاييح


أشكي عليكم من رفيقي وجاري
اللي عمدني بالخطيه وانا اصيح


ان كان عندك حل في الحكم جاري
نبغاء نتوسط بالوجيه المفاليح


توسطو لي قبل كشف المعاري
ترى الشكاوي عندمثلك مرابيح


ان كان ماتحمى يميني يساري
يحرم علينا جادل الراس بريح


واعوى عواءذيب حدته الظواري
يبغا العشا لاكن دونه نوابيح


ذيب على طرش البداوين ظاري
يضوي عليهم مثل مضوا شليويح


وصلاة ربي عد سيل الخباري
على النبي صلو عدد عاتي الريح


@@ رد ابن هندي يقول @@


البارحه سهران والفكر ساري
ودشيت من الافكار موج مسابيح


والعين تدمع ماتضم العباري
عن نوم خلق الله حداها سواميح


وافتر دولاب الحشا بختياري
من قول عراف عطوني ملاميح


والشعر له بابين جنه وناري
ويجنى مثل جني العسل بالحاليح


ولي فيه مضراب وسجل تجاري
ودرع يوقي من سهوم الذوابيح


والبيت لستعصا جبرته اجباري
جبر العسيف اللي غروبه مدابيح


وليارسمته ماغشته الذواري
يبقا مجاله لرجال الطحاطيح


قاف رسمته مثل رسم الوزاري
مغزاه مثل الليل نوره مظاويح

يابو محمد عذبتنا الطواري
شي مهاجيد وشي مصابيح


ومن جرب الدنيا يذوق العزاري
يعرف لفرق الورد من شجرة الشيح


ومغفل الدنيا كبير الهباري
ولايعرف الضاويه والمساريح


منصب جوابك مثل منصب الاداري
وشيخ القصيده معجل الصبر ويبيح


وصا ابو وقاص ووصا البخاري
الصبرعند الغيض حكمه وتسريح

تسريح لامنه طرى القلب طاري
وإلا الجرب يطلا بسم الذرانيح


لاتنقل الشوزن محل السواري
ولايستوي شخصين مشغول ومريح


لكن عندي شور قبل الجواري
ابعد محلك يابعيد المنازيح


ولفت نظر ولاتكون احتقاري
حنا لمثلك ياسعييد مناصيح


وخذ العذاري دون قطم السماري
ولاتعرض مشلحك لشلاليح


ترانا برى اللي سواتك نماري
ولا نشير أهل الغنم والفلا ليح


وقبل سلامي وانت بالقول داري
وهذه دروب الحق بيض مواضيح