بن ثايب وابن شافي وابن هندي

من الأرشيف الخاص . . الشاعر محمد بن ثايب الشهراني . والشاعر محمد بن شافي الأكلبي. والشاعر ناصر بن هندي الشهراني رحمه الله . في البدايه هذه قصيدة الشاعر بن ثائب الموجة للشاعر محمد بن شافي.


سر يانديبي على اللي كنه براقي= من منوة اللي عليه تطول الأطراقي
ابغيك تسرح صلاة الصبح متوجه= للديلمي تاصله قدام الأشراقي
تنصى بن شافي شروق الشمس في بيته=غمر على الطيب يوفي هقوة الهاقي
شاعر بني تغلب اللي علمهم غانم= قوم نهار اللزوم تقول وتلاقي
سلم عليه وعلى من تاجده عنده= وسلم على بوه واخوانه والأرفاقي
تلقاه عند الركايب تو مافاقت = ماهوب للنوم مع الاصباح عشاقي
ماودك يشوفها الحساد بعيونه= ابروك ومعقلات وفيهن اطلاقي
اول بشورك على حليب خطواها= لا مد لك لا تجي للفال صفاقي
ثم اقلط لمجلس رواته واجد= فيه اشقر البن له شارب وسواقي
واذا نشدك اخبره عن موجز اخبارك= واخبره عن وقتي اللي ضيق اخلاقي
قله تراني صبرت ولا نفع صبري= الحلم غلق وجات الخطر اضواقي
ماضاقت الارض باهل الشرع والسنه= وفي بعض الاوقات ياصل غيضي بناقي
وانااحسب اني حليم وحيلتي تنفع= حتى صدمت الزمان وصرت مشفاقي
اول عليك اشتكي من دهرنا الجاير = اللي يحّرق ضمير العاقل احراقي
دهر نراعيه لكن ما يراعينا= كنه باهله انتحا والموج صفاقي
في ساعة الضيق صدقانك يعافونك= ووقت الرخا والسعه ياكثر الأصداقي
واللي شغل خاطري يجعلني افكر= حتى خذيت القلم وانهيت الأوراقي
فالعام زاروني سعيّد وبن هندي= ومعزة الربع في قلبي والأعماقي
وجوني ضيوف وحلفت ان افعل الواجب= وفزيت للربع مستانس ومشتاقي
لكن بعد المفاهم قالوا اجلها= وخذيت منهم بها عهدٍ وميثاقي
وانا ليا قلت والله ما اقدر اخونه = حمل على حامله ما هوب ينطاقي
واليوم هذي سنتهم دارت وزلت = يالله عساني ليا وعدت صداقي
من وصلني في محلي قمت في حقه= رزقي ورزقه علي كتاب الأرزاقي
حلفت ما خلي الواجب وانا اقدرله= مادمت حي وقوي ويندرج ساقي
هذي حقوق علي الدنيا نقوب بها = الناس رحالة ووجه الله الباقي
ابغيك لا جاك مرسولي تعلمهم = ان الوعد عهد عند العالم الراقي
حسب الصله والصداقه بيني وبينك =ودي تحقق من الدعوى تحقاقي
لا تقبل العذر منه حطني مثلك = لانك على الموجبه عجل وسباقي
واسلم وسلم لابن ثايب على نفسك = اعداد ما يلحتم نو وبراقي
وصلاة ربي على الطاهر نبي الله= اللي جمع شملنا بعد التفراقي


الرد من الشاعر /محمد بن شافي
يالله يا باسط ٍ سبع تطيباقي= يا مخرجٍ النقي من كل بواقي
ثبت لساني على هيضٍ نغنيبه= في حشمت اللي بدا للهيض طراقي
منجوبةٍ جاتنا والله يحييها= من شاعر دايمٍ للطيب تواقي
يامرحبا عد نوٍ جر بخياله= وبله على الأوديه جاله تسيباقي
حي الرساله وحي اللي موديها = ودّا بها شاعر للطيب زراقي
من روس قوم تجمل في مغازيها = والبيض تنشر لهم في كل الأسواقي
نعمٍ بهم فوت والا في منازلهم = والشور لاشارته ماهوب ينعاقي
بيشة لهم شرقها والنا مغاربها= ما هوب يزفي عليهم كل حماقي
نعم بشهران حاضرها وغايبها= لا جا نهارٍ تناشف فيه الأرياقي
كل من الناس فيه من الوفاء حقه= يشل سيف الفخر والسيف فتاقي
ياخي محمد علومك تشرح الخاطر= عزالله انك لبدع الهيض عشاقي
ان تشتكي ياسمي من بعض الاحوالي = فانا معك حاضرٍ مانيب متاقي
ابشر بنا في السعه والضيق والشيمه =شيمة سعودي ولاهي شيمة عراقي
نسوق معك الضعن من حيث تبغينا= لا جا نهار وللبارود حلاقي
وان كانها من قبايلك وقبايلنا = فكل يعدل رفيقه واشق ياشاقي
لا تحسبني وكيل آدم على ذره= ما معي بالجيك ولا فرد علاقي
ما عندي الا النصايح كان طاعوني= ولا فكل معه ريعٍ ومرهاقي
كان العزايم غصايب مالها خانه= لا صار ما يعتبرها كل مراقي
ضيفان ذا الوقت بالك لاتعاتبها = لها ظروفٍ وغرضانٍ ومنتاقي
عزي لرجل تجي الدنيا همام له= تاخذه في كفها ويصير خفاقي
الحق عند العرب ما ضاع منهاجه= وراعي الوفاء ما يجي خايف وصعاقي
يصبر مثيل الجمل لا مر الأفنادي = مر يجي ناترٍ ومرار حساقي
يامحمد الرجل لا جافيه تخشينه= لا هوب يلبق ولا يبغى التلباقي
ما يمشي اللي مع ناسٍ يحبونه= ولا يصافي مع مرخين الأعناقي
ما كل من قال قولٍ يحتمي قوله= يكون منه بحبل الطيب متاقي
بلشتني يامحمد في بلاشينك =درقتني بالهدف مانيب دراقي
مالي ومال ابن هندي والجبيراني= لكن في حشمتك رفعت الأشناقي
تعبت في حشمتك واديت مجهودي= جسب الصداقه وانا مانيب دناقي
في كل معنى ترى عقلي يكفيني= شاعر وراسي ولا احب التذلاقي
مادمت في الارض بامشي في مناكبها = والسر مع حافظه ما هوب ينباقي
باقي المعاني بذكرالله نختمها= خلاقنا من عدم يانعم خلاقي
وتسليمنا والصلاة على نبي الله = اعداد ماتبتدي وتغيب الاشفاقي


وهذه مجاراة الشاعر الكبير / ناصر بن هندي رحمه الله
يالله ياللي لنور الفجر فلاقي= اسمك بداية وبالختمان مغلاقي
بديت باسم العظيم الخالق الباري= والحبر من ريشة المطواع دفاقي
يكتب بيوت نزعناها من الغبه= مثل الجواهر عليها هاجسي واقي
وقام القلم ينخنق واناملي فوقه= يكتب مقالي وتاريحي لملحاقي
سمعت منجوبة راحت لابن شافي = من فوقها خرج ولا كيس رماقي
وثلاثة ايام نستنظر لمردوده = من شوقي للرد ماحسبت باقلاقي
وجاني مرده وحللته وشيعته = والغش مفروز في جنب عن الناقي
وجثمان قاف ابن شافي هو وبن ثايب= بقي محجب بسور نحاس ورواقي
ربعٍ تناجوا ونجواهم كشفناها= والسمن لا انراق فوق القاع ماانحاقي
والربع شعاّرماتلحقهم السبه= ومعاني بينهم دسمات ورقاقي
ارق من القطن واثقل من جبل سلمى= وتخفى على كل ثرثار وطفاقي
تابعت الأبيات حتى بان خافيها= وشرعت موج البحور وهزت اشواقي
لولا مغازي البيوت وسرّها الخافي = ماهوجس القلب في رده ولا فاقي
مدة سنه معتكف والشعر ماريده= ولا نيب في مجتمع الأصحاب لباقي
ثم حركوا ساكني جذابة الدانه= وباب الضمير انفتح من دون طقاقي
وحبيت اقدر هل المبدا بمردودي= تقدير مافيه خوف ولا تلقلاقي
ميت قطر ما يشال لمقبرة حايل = لكن شيطان بعض الناس غساقي
واللي تحملّت له ما حال من دوني= ودرب النتق ما مشى به كل عملاقي
الله يعز ابن شافي ماابعد افكاره = نسق بيوته ولا فكر بنساقي
اتعب هجوسه وتفكيره وانا احنه=
من شلت الصايره في بعض الاسواقي
الأسواق عنده وانا مانيب واطيها= عمدتها عمد يوم ان الهوى داقي
حيث ان محمد نشر في السوق منشوره= وهذا مرده بدون ازعاج وخناقي
سوى بن شافي سواة محمد العوني=بياع بيض وانا للبيض سلاقي
وراعي الحكم ما يغره ويش ملحوني= والأشجارفيها فنود جلال ودقاقي
وانا اتشره على الطيب من علومه = ما ابغي الغلط مقصدي درب التفواقي
والشطر هذا لابن ثايب وانا لشوفه= مانيب واطيه غير الزرع ما انساقي
الزرع من تربته والسيل من نوه= والسيف من شذرته في العظم سراقي
يالربع يا بادعين القاف داروبه =والثوب خيطوه من قبل التشقاقي
والعود الازرق كحول القاف وختامه= وباسم الله ابدا وبالختمان مغلاقي.ا

لاهنت يابو عايض

طرح مميز وجميل


ووووووووووودي

بيض الله وجهك ولاهنت

لاهنت وبيض الله وجهك