الــرزق .. ظافر بن وهيب

بسم الله الرحمن الرحيم

الحمد لله رب العالمين والصلاة والسلام على أشرف الأنبياء والمرسلين

سيدنا ونبينا محمد وعلى آله وصحابته أفضل الصلاة وأتم التسليم أما بعد :

إخواني الأعزاء

إداريين ومشرفين وأعضاء هذا الصرح الشامخ

وفقكم الله جميعاً وسدد على طريق الخير خطاكم

هذه القصيدة كتبت حديثاً وتعبر عن نفسها

وهي بعنوان :

الـرزق

يا الله في بارقٍ متراكم نوّه = شوفه يداوي هجوسٍ زادت أحزاني
قويْ باسٍ وعزمه زوده قوّه = والهاجس الكدر غنى زين الألحاني
في مجلسٍ مبني ومكملٍ توّه = فيه الأباريق وإبهْ إدلال رسلاني
راعيه شهمٍ دوامٍ شاعمٍ ضوّه = ويفرح ليا جاه زوارٍ وضيفاني
شيخٍ ينومس وراعي فعل ومروّه = والخير له غايةٍ وأفعاله إحساني
يابن آدم اللي تبيه من العمل سوّه = رزقك يجيلك بلا زود ونقصاني
ولو فيه رزقٍ يجي للعبد بالقوّه = كان العصافير جنب الباز موتاني
وإقنع برزقك على كثره على شوّه = ما جاك من رزق ماياتي لأحد ثاني
وإحرص على صحبة اللي يعرف الخوّه = كفوٍ يوفي حقوق الجار والعاني
والختم يالله في برقٍ سرى نوّه = سيله يسلّيك لا شفته بالأعياني

وسلامتكم جميعاً

أسأل الله لنا ولكم ولجميع إخواننا المسلمين التوفيق والسداد

في القول والعمل إنه هو السميع المجيب

وتقبلوا خالص تحيات أخوكم / ظافر بن وهيب

يابن آدم اللي تبيه من العمـل سـوّه

رزقـك يجيلـك بـلا زود ونقصانـي

ولو فيـه رزقٍ يجـي للعبـد بالقـوّه

كان العصافير جنـب البـاز موتانـي

وإقنع برزقك على كثره علـى شـوّه

ما جاك من رزق ماياتي لأحـد ثانـي

صح لسانك يابن وهيب

ماعذب كلماتك

بيض الله وجهك

حضورك مشرق

وذكرك في غيابك عطر فواح

تقبل تحياتي


وفالك الطيب

اقتباس المشاركة الأصلية كتبت بواسطة الشاهين يابن آدم اللي تبيه من العمـل سـوّه رزقـك يجيلـك بـلا زود ونقصانـي ولو فيـه رزقٍ يجـي للعبـد بالقـوّه كان العصافير جنـب البـاز موتانـي وإقنع برزقك على كثره علـى شـوّه ما جاك من رزق ماياتي لأحـد ثانـي صح لسانك يابن وهيب ماعذب كلماتك بيض الله وجهك حضورك مشرق وذكرك في غيابك عطر فواح تقبل تحياتي وفالك الطيب

صح بدنك أخي ( الشاهين )أبا عبدالعزيز

عذوبة الكلام لاتتضح للكاتب إلا بمرور وتعليق الغانمين شرواك

ووجهك أبيض

ليس بغريب عليك هذا الإطراء العذب فهذا ديدن بني منبه كلهم

المدح والإطراء لمن أحبوه فما بالك بمن يعد نفسه الأوسط منهم

أشكرك وأشكر جميع أعضاء هذا الصرح الشامخ على ما أجده من

الحفاوة والتقدير .. سائلاً الله لكم التوفيق والسداد في القول والعمل


وتقبل خالص التحايا من محبك في الله

صح لسانك ويض الله وجهك

فعلا كلمات غاية في الجمال

تقبل تحياتي