سالفه وقصيده

بسم الله الرحمن الرحيم

السلام عليكم ورحمت الله وبركاته
والصلاه والسلام على اشرف الأنبياء والمرسلين أما بعد:
أترك لكم الاستمتاع بهذي السالفه والقصائد اللى حصلت
بين الولد وأبوه حينا جاهم ضيف والضيف خال الولد .



‏​‏​‏​‏​‏​‏​‏​‏​‏​ورع عمره 16 سنه سير عليهم خاله ضيفٍ عند ابوه فقال أبوه يا ورع رح امسك التيس ذاك واذبحه لخالك. فراد الورع على بوه ببيت شعر علشان يمنع ابوه عن ذبحت التيس لخاله وهو ضيفٍ عليهم

(يابوي ذبح التيس للضيف منقود
مادام قعدان المعزب كثيره)



فاضطر أبوه ان يبدل قراره بذبح قعود بدل عن ذبحت التيس


فبعد ما اكرم نسيبه بالقعود شعر بيت الاب موجهه لابنه فقال في بيته :

(ياورع خالك زارنا والله اعطاه
الله عطاه من الاحرار الاصيله)


لكن الورع رد ردودٍ ما بعده ردود وقال في رده :

( كانك عطيته هرش موذيك برغااه
خالي عطاك أم العيون الكحيله )

اعقب يذا الورع

هههههههههههههههههههههههههههههههههه

والله ماهوب سهل ذا الورع

لاهنت على النقل الرائع

تقبل مروري

الشكر لله ثم لك أخوي ابو محمد الطلوق
على مرورك الطيب لك الود والاحترام

هههههههههههههههههههههههه
والله انه شااااطر .. ان شاء الله ارروح ضيفه عند احد ويكون عندهم ورع مثل هذا

تسسلم اياديك اخوووي ع الطررح الرااائع و الله يعطيك الف عاافيه