قصيدة رثاء في عمي المرحوم مشاري بن صالح بمناسبة مرور سنة على وفاته

الله من قلب من العام مجروح = عيا يطيب وحيّراهل الصحيات
الحول حال وباقي الجرح مفتوح = ومن شافني ماعنده الا سلامات
عليك ياشيخ الرياجيل بانوح = ومن لامني جعله بحد الرهيفات
كريم واخلاق وخدوم وممدوح = تجمعت فيه الخصال الحميدات
يابري حالي لاذكرته ويافوح = يافوح صدري عقب راعي المروات
معزة الشايب معي وين ماروح = لاجيت بنسى ذكرتني الثقيلات
الباقره من عقب فقده بلاضوح = لوفي الضحى شمس وفي الليل لمبات
غلاك ياعمي سطى داخل الروح = ماكن غيرك يامشاري حدن مات
مرحوم ياشيخ على الخد مطروح = جعل الرفايا فوق قبرك سخيات
شعر/ علي بن شوكان

صح الله لسانك ياسبع الليل
ورحم الله عمك مشاري رحمة واسعه

قصيده رائعه تشكر عليها
شكرا لك على طرحك الجميل
تقبل مروري

الله يعطيكـِ العافيه يارب




خالص مودتى لكـِ

اللهم ارحمه رحمة واسعه ونور قبره وغفر ذنبه وانس وحدته وتجاوز عنه انك على كل شي قدير.