أبعدت مالضوضاء

لاهاض هاجوسي وزانت مساريه
ابعدت مالضوضاء وعن زحمت الناس

وأسج ببحور الخيال ومعانيه
واكتب بيوت الشعر من صدق لحساس

فالبر يشرح خاطري كل ما اجيه
ويبهج خفوقن فيه ضيق وتلعماس

كم ضيقتن لرجل تبحث خوافيه
واتشوفه العربان ضايق ومنحاس

وايكنها فالقلب عن من حواليه
وايموت مبدأها على أضعاف لنفاس

البارحة من طول ليلي ومافيه
امسامر الهاجوس مع كل نسناس

ناسن على جور الزمان وبلاويه
ترسي ولا تهتز فالخير والبأس

لا ثقلت احموله تكاثر عزاويه
من مكسبه فالصبر ماجاه لفلاس

ولاجاملت أهل الخطا والمشاريه
كلن على قده بتعطيه مقياس

وبعض العرب ماحد يسلم حكاويه
وقلبه على الزلات ورده لليأس

مثله عسى م ايمر زوله وطاريه
لنه على العالم كئابه وخناس .

عثمان مبارك خويتم

صح الله لسانك يابو مبارك
مبدع كعادتك