هذا جزاي

هذا جزاي

يالله يارحمن ياعالم خفيات الملاء
سترك وعفوك يا إلاهي من الزمان ومن هله

بعض العرب في موقفه مالناس ايجيها بلاء
تشوف روحه من عناها للعباد امبهذله

ماله صديق ولا رفيق ولاحبيب ولا ولاء
وما وسط قلبه لاهوى ولا اشتياق ولاوله

حبه لروحه مايبي من دنيته علمن علاء
وابوابه اللي دون خلق الله وهي امزرفله

وأهل المصالح فالزمان اتزيد لك رحب وهلا
وإذا انقضت مصالحه ماعاد شفنا زول له

وفيه ناسن جلستك معها وكنك فالخلاء
والله لا فعلن فعل معنا وعلمن جمله

وفالنهايه صرت اسلي خافقي ولا سلاء
لني صحيح ومن يبيني في لزومن قابله

وهذا جزاي أقابل العالم على حب وغلاء
ولا لقيت اللي على نفس الشعور أبادله .

عثمان مبارك خويتم