|
الموقع الرسمي لقبائل بني منبه شهران العريضة |
|
www.bnymnbh.com |
« آخـــر الـــمـــشـــاركــــات »
محاورة شعريه بين ريفالدو و ديفد سيمنس
أدوات الموضوع
انواع عرض الموضوع
هذي محاورة بين ريفالدو البرازيلي وديفد سيمنس حارس انجلترا .... وحبيت اني أعرضها عليكم ....
يقول لكم يوم كانوا اللاعبين يتعشون ... جلس حارس انجلترا ديفد سيمنس هو وسميه
ديفد بيكهام على طاولة ... ويجيك ريفالدو وكافو وجلسو قريب منهم ..... المهم ان سيمنس كان
ياكل ويطل في ريفالدو .... يوم خلصوا من العشا وجلسوا في اللوبي اللي في الفندق ... فقام
سيمنس وعطاهم ذالأبيات في حضور بعض اللاعبين والاداريين ....
يقول سيمنس :
أنا يالربع أخايل لي بروق من ورا اليابان
........................تشد الناظر اليا شافها سبحـان منشيهـا
وأنا ديفد ولد سيمنس وسط الملعبة فتـان
.............................أبا ريفالدو يقـرب ويعطينـي معانيهـا
قام ريفالدو ورد عليه يقول :
تخيل البرق والا ما تخيلـه عورتـك بتبـان
..........................من أهداف الرجال اللـي محزمـة حقاويهـا
أنا ربعي لما جا الصدق تعطيك الدروس ألوان
.........................برازيلـي وشوتاتـي علـى مثلـك بأقويهـا
قام سيمنس يضحك وقال خلووووووووووووووها .... وعطاه هالبيتين يقول فيها :
تمهل يا عميلي واذكر الله والعن الشيطان
........................ترا ربعك بالأرجنتين تبغى من يواسيهـا
تنشدهم من اللي في بلدهم مشعل النيران
.........................سميي من حمولة بيكهام اللـي مسويهـا
عصب عليه ريفالدو وقال له :
ترا من لا خذا ثار ابن عمه داخل الميدان
........................له السودا تعلق في البلاد وفي ضواحيها
بنهزمكم ونخرجكم ونشحنكم ورا الطليان
......................ومثل ما عين جبريل دمعت عينك بابكيها
قال له سيمنس قبل يطلع لغرفته :
أنا ماني بمتكلم وعلمـي ياصلـك يافـلان
.......................وأنا رجل أوزٌن كلمتي من قبل لا اطريهـا
أباعطيلك عبارة حطها في اذنك كما النيشان
..........................اليزابيث لها سمعـة حلفنـا مـا نوطيهـا
قام ريفالدو يضحك باستهزاء وقال له :
لك الله يا زمان صار فيه للانقليز لسان
.........................بعد ما كان بيليه يتوطى فـي علابيهـا
أنا باصيح في كافو وفي رونالدو حوران
..........................نبا الأهداف فيهم تبرد الحـرة وتطفيهـا
تقبلوا تحياتي .....
منقووووووووول
07-02-12, 12:19 PM
#2
صح الله لسانك ياراعي الذوق ياذيبان
امتعتنا ببيوت جزلات معاهنيها
واليوم روح ريفالدووجاى مسي الفنان
تسحيبته في خصومه ما يخليها
ههههههههههههههههه
هاه ويش رايكم انفع اخوض تجربة شعر المحاوره
بس الله يستر من سلطان الهاجري
خخخخخخخخخ
صدقت نفسي
بوطلال
تشكراتي يالغالي
دائما تتحفنا بالجديد والمميز
مروري وتقديري
07-02-12, 02:18 PM
#3
بعدين هيضت علينا ابو مهند من يقدر عليه الحين ,,, ترى عليه صوت وراحله غير طبيعيه
واسمحوا لي بهالبيتين ولا عاد اعيدها مرة ثانيه هههههه
هلا يامرحبا يابو طلال مورد القيفان
علومك غانمه والمقديه ماهو يخليها
...............
بعد ما صارت الدنيا تقوم لفارس الميدان
اشوف الحال ما يصلح فلا تامن بلاويها
07-02-12, 11:45 PM
#4
ابو مهند
يعطيك العافيه شاعر ومحترف بقوه
اسعدني تواجدك هنا يا غالي
تحياتي وتقديري
07-02-12, 11:58 PM
#5
اشكرك على هذا النقل الرائع
تقبل مروري ولك ودي وتقديري
08-02-12, 11:58 AM
#6
الله يسعدك يا ابو طلال
تحياتي
13-02-12, 10:45 PM
#7
ابن طلق
صقر بني مبنه
اسعدني تواجدكم يا غالين
شكرا لكم من الاعماق
تحياتي وتقديري
14-02-12, 12:26 AM
#8
14-02-12, 09:32 AM
#9
لاهنت يا غالي
وجودك هنا اضاء متصفحي
تحياتي وتقديري
14-02-12, 01:10 PM
#10
ما قصرت يا بو طلال
على النقل الرائع
و أشوف شكل المنتدى فيه شعار
و لا ندري عنهم الله يعطيهم العافية
ضوابط المشاركة