وابلغ من يحب الجمايل تحياتي

عشيّت الاحد والقابله ليلة الاثنين= اقلّب دفاتر ما مضى لي وما فاتي
واعاتب وافكر واتذكر من الغالين= واجر الونين بداخل الذات من ذاتي
يسرّح بي الهاجس ويضوي مع الضاوين=وتخنقني العبرات في بعض الاوقاتي
ظروف الزمان تشيّب الراس لا ذالحين= واراعي الظروف ولالقيت المراعاتي
فخر كل عبدٍ لالتزم في عراوي الدين= ولا عزّةٍ بالبهرجه فالمنصّاتي
ادوّر على الاولى ولكن مدري وين =وتوجهت للاخرى ورحت بمتاهاتي
ياربي عليك امري توكّلت بك ونعين= تدل الذي تاهت به الاتجاهاتي
زرعت الرجا بمفرج الكرب قاضي الدين= ولاغيره اللي يستمع في مناجاتي
واجامل مع العالم وكنّي من السالين= مافكرت فالدنيا لاراحت ولاجاتي
واجمّل بني عمّي ولاني قصير ايدين=لاما احتمى الميدان بتبين وقفاتي
صبورٍ على الدنيا واهدّي دموع العين=على ماجرى لي من علوم ومحساتي
فلانيب هافي وانزل لمستوى الهافين=ولانيب من سوى لنفسه دعاياتي
لكن من يكيل المدّ باكيل له صاعين= على شان يعرف ويش معنى العداواتي
ضعاف النفوس تحاول تنقّص الوافين= على شان تبقى في محيط المساواتي
وانا ناشي بالطيب مع جملةٍ ناشين= نبي نعانق نجوم الفلك والمجراتي
هذا موجزي ياقاصي الناس والادنين= وابلغ من يحب الجمايل تحياتي

اخوي الغالي
مشعل
بيض الله وجهكـ على هذي الابيات الرائعه
تمنياتي لكـ بالتوفيق

صح لسانك يابوجمعان

قصيده في غاية الروع

لاعدمناك

ولاعدمنا جديدك

ودي وتقديري

صح لسانك يابوجمعان
قصيد رائعه
الله يعطيك العافيه
تحياتي واحترامي

هذا موجزي ياقاصي الناس والادنين

وابلغ من يحب الجمايل تحياتي

علمك غانم

والله يجملك حالك

قصيده ولا اروع

لاتحرمنا من اطلالتك

تقبل تحياتي

وفالك الطيب

وابلغ من يحب الجمايل تحيااااتي

ولك التحيه والتقدير ... واصل ابداعك يامشعل

قصااايدك تشدني كثيراااا

الله يوفقك ويسدد خطااااك ويحقق لك ما تمنى يالغالي

زرعت الرجا بمفرج الكرب قاضي الدين

ولاغيره اللي يستمع في مناجاتي

صح لسانك

وبيض الله وجهك

والله يعطيك ألف عافية

-- تحياتي --