قالوا علامـك تختصر في بيوتك

قالوا علامـك تختصر في بيوتك= قلت اتركوني ذا مزاجي وكيفي
قالوا نصيحه قلت يالله ثبوتك= وتدلني وآقول قولٍ شريفي
ان دلّ قلّ الهرج والاّ سكوتك= ياللي تقول انّك فهيم وعريفي
واخذ مرد العلم قبلٍ يفوتك= لاتعترض ضربات رمحٍ وسيفي
اللاّعب الماهر تحذّر يشوتك= فانّه لياما شات شوته عنيفي
ويارجل لاحصّلت شربك وقوتك= فابقى على ما قيل شخصٍ عفيفي
لاتقرب الزلاّت تفرح شموتك= وتجي علومك بين غبّه وسيفي
ولسانك حصانك تحذّر فلوتك= يجرحك جرحٍ ويتطور نزيفي
ولا كثّروا فالذّم فالزم صموتك= مالك ومال الناس خلّك حفيفي
واحذر تكثّر فالمجالس نكوتك= تذهب حيا وجهك وتصبح سخيفي
واليا لفاك الضيف جنب نهوتك= واشرح له الخاطر بهرجٍ نظيفي

صح لسانك اخوي مشعل

قصيده جميله

بيض الله وجهك

تقبل تحياتي وتقديري

سلمت

وصح الله لسانك


مبدع في موفق ابداع



اسعدنا طرحك


من الاعماق شكرا لك

وفالك الطيب

إبداااع وتميز
جعلك دوووم على القوه
سلَمت وسلِمت يمُناك
دُمت بود

صح لسانك يا غالي
بيض الله وجهك
تحياتي واحترامي

صح لسانك
وبيض الله وجهك
على القصيدة الرائعة
... تحياتي ...

صح لسانك يابو جمعان
وبيض الله وجهك
ولاتحرمنا من جديدك
دمت بود